සැකකරුවන් තලවතුගොඩ සහ කිඹුලාවෙල ප්‍රදේශවල පදිංචිකරුවන්.
පොලීසියට ලැබුණු තොරතුරක් මත තලවතුගොඩ එකමුතු මාවත ප්‍රදේශයේ සිදු කෙරුණු වැටලීමකදීයී සැකකරුවන් අත්අඩංගුවට ගැනුනේ.එහිදී සැකකරුවන් සතුව තිබී රුපියල් ලක්ෂ 10 කට අධික වටිනාකමින් යුතු හෙරොයින් සහ අයිස් මත්ද්‍රව්‍ය ද ඊට අමතරව තරාදියක් , ජංගම දුරකතන දෙකක් ඇතුළු උපකරණ කිහිපයක් ද පොලිස් භාරයට ගැනුණා.
තලවතුගොඩ බොත්තමා යනුවෙන් හැඳින්වෙන සැකකරු මීට පෙරද හෙරොයින් සමඟ අත්අඩංගුවට පත්ව අධිකරණයට ඉදිරිපත් කිරීමෙන් පසු ඇප මත මුදාහැර තිබෙනවා.
ඔහු දෙමටගොඩ චමින්ද නැමැති සංවිධානාත්මක අපරාධකරුවාගේ ගෝලයකු වන ආකාෂ් නැමැත්තාගේ මත්ද්‍රව්‍ය බෙදා හැරීම ද සිදුකර ඇති බවයි පොලිස් විමර්ශනවලදී හෙළි වුණේ.
අත්අඩංගුවට ගත් එක සැකකරුවකු ටෙලිනාට්‍ය චරිත ද නිරූපනය කර ඇති අයෙකු බව පොලීසිය සඳහන් කළා.සැකකරුවන් කඩුවෙල මහේස්ත්‍රාත් අධිකරණයට ඉදිරිපත් කිරීමට නියමිතයි.
මේ අතර රුපියල් ලක්ෂයක් පමණ වටිනා මත්පෙති තොගයක් අත්අඩංගුවට ගැනීමට වැලිකඩ පොලීසිය සමත් වී තිබෙනවා.
ඔබේසේකරපුර 17 වත්ත ප්‍රදේශයේ සිදු කළ සෝදිසි මෙහෙයුමකදීයී මෙම මත්පෙති තොගය පොලිස් භාරයට පත් වුණේ. මත්පෙති 950 ක් සමඟ සැකකරුවකු ද අත්අඩංගුවට ගෙන ඇති අතර ඔහු අධිකරණය ඉදිරිපත් කිරීමට නියමිතයි.
-පංචාලි අබේසේකර
