කොවිඩ් වසංගතයෙන් දැඩි බලපෑමට ලක්වූ මෙරට විදේශ සංචිත ඉහළ නැංවීමට හා රටේ මූල්‍ය ස්වාධීනත්වය සහතික කිරීම සඳහා ඇමරිකානු ඩොලර් මිලියන 400ක මුදල් හුවමාරු පහසුකම ලබාදීම සඳහා ඉන්දියානු සංචිත බැංකුව (RBI) සමග ගිවිසුම් අත්සන් කරන ලද්දේ 2020 ජූලි මාසයේදීය. මෙම ණය පහසුකම 2022 වසරේ නොවැම්බර් මාසය දක්වා ක්‍රියාත්මකවීමට නියමිතව තිබිණි.
එසේම මෙම ණය මුදල් ආපසු ගෙවීමට සිදුවන්නේ අදාළ කල්පිරීමේ දිනයේ පවතින ඩොලරයේ අගය බැවින් ණය මුදල මේ මොහොතේ ලබාදීමට සිදුවුවහොත් සැලකියයුතු අතිරේක මුදලක් ගේවීමට සිදුවන බවද හෙතෙම පෙන්වා දුන්නේය.
මෙම වසරේ ශ්‍රී ලංකාව ගෙවීමට තිබෙන ඩොලර් බිලියන 7 ක පමණ වන විදේශ ණය වෙනුවෙන් ඉන්දියාව සමඟ තවත් ඩොලර් බිලියන 1ක මුදල් හුවමාරු ණයක් පිළිබඳ සාකච්ඡාවක් මීට මාසයකට පමණ පෙර ඇරැඹී තිබුණද නව තත්වයන් හමුවේ එම බලාපොරොත්තු ද බිඳ වැටී තිබේ.
මේ අතර ඉන්දීය විදේශ ඇමැති එන්. ජයශංකර් එරට රාජ්‍ය සභාව අමතමින් ඊයේ (4 වනිදා) ශ්‍රී ලංකාව එරෙහිව දැඩි වාග් ප්‍රහාරයක් දියත් කර තිබිණි. එහිදී ආණ්ඩුක්‍රම ව්‍යවස්ථාවේ 13 වැනි සංශෝධනය මගින් අර්ථවත් බලය බෙදා හැරීමක් වෙනුවෙන් ශ්‍රී ලංකාව කැපවිය යුතු බව ඉන්දීය විදේශ ඇමැති පවසා තිබේ. එසේම පසුගිය මාසයේ කොළඹදී ශ්‍රී ලංකාවේ ඉහළම නායකත්වය සමග පැවති සාකච්ඡාවලදී ශ්‍රී ලංකාවේ ප්‍රතිසන්ධාන ක්‍රියාවලිය සම්බන්ධයෙන් ඉන්දියාව දක්වන උනන්දුව තමා අවධාරණය කළ බවද විදේශ ඇමැතිවරයා මෙහිදී ප්‍රකාශ කර ඇත. ඉන්දීය ධිවරයන් අත් අඩංගුවට ගැනීම ගැනද මෙහිදී වීරෝධය පල කෙරිණි
