කෙටි කාලීන හුවමාරු ණය (SWAP) පහසුකමක් ලෙස ඉන්දීය රජයෙන් ලබා ගත් මෙම ණය මුදල ගෙවීම සඳහා තවත් මාස කිහිපයක සහන කාලයක් ඉල්ලා සිටීමට ශ්‍රී ලංකා රජය බලාපොරොත්තුවෙන් සිට ඇත. නමුත් කොළඹ වරාය නැගෙනහිර පර්යන්තය සම්බන්ධයෙන් ඇතිවූ තත්ත්වය මත ඉන්දීය රජය විසින් එම ණය මුදල වහාම ඉල්ලා සිටි බවට පෙර වාර්තා පළවිය.
එහෙත් මාධ්‍ය වාර්තා කර ඇති පරිදි ඉන්දියාවෙන් විශේෂ ඉල්ලීමක් ඉදිරිපත් නොවු බව මහ බැංකුව සඳහන් කරයි. අනාගත සහයෝගීතා පිළිබඳ ඉන්දියව සමඟ වන සාකච්ඡා අඛණ්ඩව සිදුවන බව බැංකුව වැඩිදුරටත් පැවසීය.
කෙසේ නමුත් මෙම ණය මෙරට ඩොලර් සංචිතවලින් හදිස්සියේ ගෙවීමට හේතුවීම මෙරට සංචිත තව දුරටත් පහල බැසීමට හේතුවක් වී ඇත. මේ අනුව මේ වසරේ ගෙවීමට නියමිතව ඇති ඩොලර් මිලියන 7 ක පමණ වන ණය වාරික මත වන පීඩනය තවත් උග්‍ර කිරීමට මෙය හේතුවනු ඇත.
මෙම ණය වාරික ගෙවීම වෙනුවෙන් ඉන්දියාවෙන් තවත් ඩොලර් බිලියන 1 ක කෙටිකාලීන හුවමාරු ණයක් ඉල්ලීමට ශ්‍රී ලංකාව බලාපොරොත්තු වෙන් සිටියේය.
