ඒ අනුව මධ්‍යස්ථාන 4000ක් ඒ සඳහා සැලසුම්කර ඇති අතර එම මධ්‍යස්ථානවලින් දිනකට මධ්‍යස්ථාන 2000ක් ක්‍රියාත්මක වන ආකාරයට එක් මධ්‍යස්ථානයකින් 300කට එන්නත් ලබාදීමට බලාපොරොත්තු වන බවයි ඇය සදහන් කරන්නේ.
එමෙන්ම පාර්ලිමේන්තු මන්ත්‍රීවරුන්ටද මෙම මාසය ඇතුළත කොවිඩ් එන්නත ලබාදීමට කටයුතු කරනු ඇතැයි වේත්‍රධාරී නරේන්ද්‍ර ප්‍රනාන්දු සදහන් කර තිබෙනවා.
මන්ත්‍රීවරුන්ට එන්නත්කරණය කරන ලෙස කථානායක මහින්ද යාපා අබේවර්ධන විසින් සෞඛ්‍ය අංශයෙන් ඉල්ලීමක් කර ඇතැයි කී ඔහු පාර්ලිමේන්තු කාර්ය මණ්ඩලයටද එන්නත ලබාදෙන ලෙසට ඉල්ලීමක් කර ඇත.
මෙම මස මැද භාගයේදී ඉන්දියාවෙන් ඇස්ට්‍රාසෙනෙකා කොවිෂීල්ඩ් එන්නත් තවත් ලක්ෂ අටක ප්‍රමාණයක් ලැබීමට නියමිත බව දැනුම්දී ඇතැයි පවසන හෙතෙම එම එන්නත් ලැබුණු පසු මන්ත්‍රීවරුන්ට සහ පාර්ලිමේන්තු කාර්ය මණ්ඩලයට එන්නත් කිරීම කරනු ඇතැයිද කීය.
මේ අතර මේම මස අවසානයේ හෝ ලබන මස ආරම්භයේදී පාසල් ගුරුවරුන් සඳහා කොවිඩ් එන්නත ලබාදීමට කටයුතු කරන බව අධ්‍යාපන අමාත්‍යාංශය ප්‍රකාශ කර ඇත.
-පංචාලි අබේසේකර
