පළමු ශ්‍රේණියට හිමි උසස්වීම් ලබා නොදීම, අධි ශ්‍රේණියේ උසස් වීම් ලබා නොදී, ඇතුළු ඉල්ලීම් කීපයක් සම්බන්ධයෙන් සෞඛ්‍ය ඇමතිවාරයා සමඟ මීට පෙර සාකච්ඡා කළද අදාල ඉල්ලීම් මුදල් අමාත්‍යංශයට, රාජ්‍ය පරිපාලන අමාත්‍යංශයට, හා කැබිනට් මණ්ඩලයට ඉදිරිපත් කර ඇති නමුත් මේ වන තෙක් නිසි ප්‍රතිචාරයක් ලැබි නොමැති බව ඇමතිවරයා බලමණ්ඩලයට දැනුම් දී ඇතැයිද බලමණ්ඩලයේ ලේකම් ජානක නිශාන්ත මහතා සඳහන් කළේය.
මේ අනුව ඉදිරි සතිය තුළ තම ඉල්ලීම්වලට යහපත් ප්‍රතිචාරයක් ලබා නොදුන හොත් ලබන 26වෙනිදා සිට දිවයිනපුරා රෝහල් වල පරිපුරක වෛද්‍ය වෘත්තිකයින් 5000ක් දෙනා මෙම අඛණ්ඩ වැඩ වර්ජනයට සහභාගි වන බව හෙතම අවදානය කළේය.
මේ හේතුවෙන් රෝහල්වල එක්ස් කිරණ පරීක්ෂණ, රුධිර පරීක්ෂණ, රසායනාගාර පරීක්ෂණ, ඖෂධ නිකුත් කිරීම, මුළුමනින්ම නතර වෙන බවද බලමණ්ඩලය අනතුරු අඟවා සිටී.
වැඩ වර්ජනය පැවතියද රෝහල්වල හදිසි ප්‍රතිකාර සේවාවන් සිදු කරන බව ද ජානක නිශාන්ත මහතා පැවසීය.
තම ඉල්ලීම්වලට පසුගිය 8වෙනිදා විසදුම් ලබා දෙන බව සෞඛ්‍ය ඇමතිවාරයා පොරොන්දු වු නුමුත් මේ වන තෙක් තම වෘත්තීය ඉල්ලීම් වලට විසදුම් ලබා දීමට කටයුතු නොකළ බව බලමණ්ඩලයේ මාධ්‍ය ප්‍රකාශක ජානක නිශාන්ත මහතා පැවසීය.
