එමගින් වසර ගණනාවක් තමන්ගේ හිඟ වැටුප් සහ වන්දි ලබා ගැනීමට නොහැකිව සිටි ට්‍රැක්ටර් සංස්ථා සේවක පිරිසට එම පාරිතෝෂිත දීමනා සහ වන්දි ලබාදීමට හැකිවූ බව අමාත්‍යවරයා සදහන් කර ඇත.
කම්කරු දෙපාර්තමේන්තු ප්‍රධාන වගකීම වන්නේ කම්කරු ජනතාවගේ අයිතිවාසිකම් ආරක්ෂා කර දීමයි.එම නිසා පහුගිය කෙටි කාලය තුළ තුල කම්කරු ජනතාවගේ අයිතිවාසිකම් සහ වරප්‍රසාද ආරක්ෂා කර දෙන කරදෙන පනත් රාශියක් අපිට අලුතෙන් ගෙන යෑමට හැකි වුණා .එසේම පසුගිය වසර ගණනාවක් ඉටු කිරීමට නොහැකි වූ වතු කම්කරු ජනතාවගේ දෛනික වැටුප රුපියල් දහසක් කිරීමේ ඉල්ලීම දීර්ඝ සාකච්ඡා රාශියකින් පසු ලබාදීමට හැකිවීම ද විශාල ජයග්‍රහණයකි.
අදාල සේවකයන්ගේ හිඟ වැටුප් පාරිතෝෂිත දීමනාවලට අදාල චෙක්පත් එහිදී ලබාදුන් අතර ඔවුන්ගේ සේවක අර්ථසාධක අරමුදල්වල ප්‍රතිලාභ මුදල් මෙම සේවකයන් විසින් ඉල්ලීම් කළ විට කඩිනමින් ලබාදීම නුදුරු දිනයක සිදු කිරීමට නියමිතයි .එම අර්ථසාධක මුදල් මහ බැංකුවට මේ වනවිට යොමු කර ඇති බවයි අමාත්‍යවරයා සදහන් කරේ.
මෙහිදී අදහස් දැක්වූ එම සේවක එකමුතුවේ සභාපති පී.ඒ.ඩි.ඩග්ලස් ,
''වසර 20කට ආසන්න කාලයක් මෙම රැකියා අහිමි වීමෙන් පසු තමා තම සහෝදර සේවකයන් ඇමතිවරු රාශියක් ලඟට යමින් තමන්ට සාධාරණයක් ඉටුකරන ලෙස ඉල්ලීම් ඉදිරිපත් කළ බවත්,සමහර ඇමතිවරු ලඟට තුන්සිය වාරයකට ආසන සංඛ්‍යාවක් ගිය බව ද ඔහු පැවසීය.ලිපි ලේඛන දස දහස් ගණනකට ආසන්න සංඛ්‍යාවක් තමන් විසින් සකස් කර විවිධ පුද්ගලයන් වෙත යවා ඇති බව ද එහෙත් තම ඉල්ලීම් පිළිබඳ ඉතාම සාවධානව කරුණු විමසා ඒ මොහොතේම ලේකම්තුමා සමග සාකච්ඡා කර ඉතාම කෙටි කාලයක් තුළ දී අප සාමාජිකයන්ට සාධාරණත්වය ඉටු කර එම වන්දි මුදල් සහ සියලු මුදල් ලබාදීමට ඉතාමත් කඩිනමින් පියවර ගත් වර්තමාන කම්කරු අමාත්‍ය නිමල් සිරිපාල ද සිල්වා මහතාට තම සාමාජිකයන් සහ එම පවුල්වල සියලු දෙනාම ස්තූතිවන්ත වන බව ඩග්ලස් මහතා මෙහිදී පැවසීය.”
-පංචාලි අබේසේකර
