ඒ රෝහල්ගතව ප්‍රතිකාර ලබමින් සිටි ආසාදිතයින් 283 දෙනෙකු අද (19) දිනයේදීද සුවය ලබා පිටවයෑමත් සමගය.

එම පිරිසත් සමග මෙරට සුවය ලබා රෝහල්වලින් පිටව ගිය සමස්ත කොවිඩ් -19 ආසාදිතයින් සංඛ්‍යාව 86,227 දෙනෙකු දක්වා ඉහළගොස් තිබේ.

මේ අතර චීනයේ නිෂ්පාදිත කොවිඩ් එන්නත මෙරට භාවිතය සඳහා අනුමැතිය ලබාදීමට ජාතික ඖෂධ නියාමන අධිකාරියට ප්‍රමාණවත් තොරතුරු ලැබී නොමැති බව රාජ්‍ය අමාත්‍ය සුදර්ශනී ප්‍රනාන්දුපුල්ලේ පවසා තිබෙනවා.

ඇය සඳහන් කරන්නේ එම තොරතුරු ලැබුණු වහාම ඊට අනුමැතිය ලබාදීම පිළිබඳ සලකාබලන බවයි.

මීළග ඔක්ස්ෆර්ඩ් ඇස්ට්‍රා සෙනෙකා එන්නත් තොගය අප්‍රේල් මස මුල් සතියේදී මෙරටට ගෙන්වීමට හැකියාව ලැබෙනු ඇති බවද රජ්‍ය අමාත්‍ය සුදර්ශනී ප්‍රනාන්දුපුල්ලේ සඳහන් කරනවා.

ඇය මේ පිළිබවද දැක්වූ අදහස් ,

"චීනයේ නිෂ්පාදිත එන්නතට අවශ්‍ය තොරතුරු සම්පූර්ණ නෑ. අපිට දැනගන්න ලැබිලා තියෙනවා ලක්ෂ 6ක මාත්‍රා මුල් වටයේදී ලැබෙනවා කියලා. අපිට ඒ ප්‍රධානය භාර ගන්න පුළුවන් වෙන්නෙ ජාතික ඖෂධ නියාමන අධිකාරිය අවසර දුන්නාම තමයි. ජාතික ඖෂධ නියාමන අධිකාරියේ වගකීම තමයි ජනතාව ආරක්ෂිත සාර්ථක එන්නත් ලබාගැනීම." යනුවෙන් සදහන් කර ඇත.

-පංචාලි අබේසේකර