ඒ යටතේ අනුරාධපුර දිස්ත්‍රික්කයේ 1200 ක් ගොවීන් මෙම වගාව මේ වනවිටත් ආරම්භකොට තිබෙන බව වාර්තා වෙනවා.

පළමු අදියර යටතේ මෙම පිරිසට ආධාර ලබාදෙන්නේ අක්කර ¼ ක් වගාවක් සඳහා රුපියල් 206,000 ක ආධාරයක් අඩු පොළී අනුපාතය යටතේ (6.5%) රුපියල් 135,000 ක ණයක් මෙම ගොවීන්ට ලබා දී තිබේ.

කාබනික පොහොර භාවිතය, පොලිසැක් යොදා වල් පැළ හට නොගන්නා ආකාරයේ නව තාක්ෂණය, නවීන තාක්ෂණ උවදුරුවලට මුහුණ දිය හැකි පරිදි ආරක්ෂිත දැල් යොදා සකස් කිරීම ඇතුළු කෘෂිකර්මය, දේශීයත්වයත් රැකගනිමින් නවීනත්වයට ගෙන යාම මෙම මිරිස් වගා ව්‍යාපෘතියේ විශේෂත්වයයි.

මැදවච්චිය ගල්ලෑල්ලගම ප්‍රදේශයේ මෙම වැඩසටහන යටතේ මිරිස් වගා බිම් අමාත්‍ය මහින්දානන්ද සමගින් අමාත්‍ය එස්.එම්.චන්ද්‍රෙස්න ඇතුළු නිලධාරීන් නිරීක්ෂණය කර තිබේ

එහිදි අමාත්‍යවරයා ගොවි ගැටළු ද සාකච්ඡා කළ අතර, ප්‍රදේශයේ කෘෂිකාර්මික ගැටළු රැසකට විසඳුම් ලබා දීමට පියවර ගෙන ඇත. අදාළ ප්‍රදේශයේ මෙම මිරිස් වෙළඳපොළට නිකුත් කිරීම දක්වා මෙම ව්‍යාපෘතිය වැඩිදියුණු කරන ලෙසද එහිදී අලුත්ගමගේ අමාත්‍යවරයා උපදෙස් දී ඇත.

කෘෂිකර්ම අමාත්‍යාංශය යටතේ ක්‍රියාත්මක කෘෂිකර්ම නවීකරණ ව්‍යාපෘතිය (SAPP) මේ සඳහා රුපියල් මිලියන 548 ක් ආධාර ලෙස ගොවීන්ට ලබා දී ඇත. රටේ ජාතික වාර්ෂික වියළි මිරිස් අවශ්‍යතාවය මෙ.ටො 50,000 කි. 100% දැනට මිරිස් ආනයනය කරයි. අනුරාධපුරය ඇතුළු දිස්ත්‍රික්ක 07 ක ඉඩම් හෙක්ටයාර් 8,000 ක් හඳුනාගෙන ජාතික මිරිස් අවශ්‍යතාව 100% ක්, වසර 03 ක් තුළ සම්පූර්ණ කිරීම රජයේ ඉලක්කයයි.

ඒ ස‍ඳහා වූ වැඩපිළිවෙල ක්‍රියාත්මක වන ආකාරය, එහි ප්‍රගතිය නිරීක්ෂණය කිරීමට යාපනය, මුලතිව්, අනුරාධපුර දිස්ත්‍රික්වල මිරිස් වගාකරන ගොවිබිම්වලටම ගොස් මහින්දානන්ද අමත්‍යවරයා ගොවීන්ගෙන් කරුණු විමසා සිටියා. ඔවුන්ට අවශ්‍ය සියලු සහාය ලබාදීමටත්, ඉඩම් ඇතුළු ගැටළු නිරාකරණයටත් අමාත්‍යවරයා එහිදී පියවර ගෙන ඇත. තරුණ තරුණියන් කෘෂිකර්මයට දායක කර ගැනීමට අවශ්‍ය වැඩපිළිවෙලක් ද ක්‍රියාත්මක බවයි වාර්තා වෙන්නේ.

-පංචාලි අබේසේකර