රාජ්‍ය අමාත්‍ය රොෂාන් රණසිංහගේ සංවිධාන ශක්තියෙන් යුතුව, ජනාධිපතිතුමන්ගේ" සෞභාග්‍යයේ දැක්ම ' ප්‍රතිපත්තිය ක්‍රියාවට නංවමින්, අග්‍රාමාත්‍යතුමන්ගේ නිබඳ මගපෙන්වීම යටතේ,"අනාගත පොලොන්නරුව" තුළ ශක්තිමත් ව්‍යාපාරික ප්‍රජාවක් බිහිකිරීම අරමුණු කරගනිමින් මෙම " දිස්ත්‍රික් ව්‍යාපාරික හමුව" පැවැත්විණි.
වසංගත අභියෝගය හමුවේ ප්‍රජාවක් ලෙස ව්‍යාපාරිකයින් හට මුහුණ දීමට සිදුවන ප්‍රධාන ගැටලු සහ එම ගැටළු විසදා ගැනීම සඳහා ඔවුන් විසින් ගෙන එනු ලබන යෝජනා ක්‍රියාත්මක කිරීමට අවශ්‍ය පසුබිම සකසා ගැනීමත්,රජයේ සහන සහ කාරක ප්‍රාග්ධනය ව්‍යාප්තිය හා දියුණුව ව්‍යාපාරික ප්‍රජාව විසින් රටේ ආර්ථික ප්‍රසාරණයට දායක කරගැනීමත්,ජාතික ආර්ථිකය ශක්තිමත් කිරීමෙහිලා , ආර්ථික පුනර්ජීවනය සම්බන්ධයෙන් ව්‍යාපාරික ප්‍රජාව සවිබල ගැන්වීම, දිරිමත් කිරීම,නගාසිටුවීම මෙහි ප්‍රධානතම අරමුණ විය.
මෙම උත්සව අවස්ථාව සඳහා පොළොන්නරුව දිස්ත්‍රික් සම්බන්ධීකරණ කමිටු සභාපති අමරකීර්ති අතුකෝරල පොළොන්නරුව දිස්ත්‍රික් ලේකම් තුමා, ඇතුළු රාජ්‍ය නිලධාරීන්, ව්‍යාපාරික සංගම්වල සභාපතිවරුන්,දිස්ත්‍රික් ව්‍යාපාරික ප්‍රජාව, හා ප්‍රාදේශීය දේශපාලන නියෝජිතයින්ද සහභාගි වී සිටි බවයි වාර්තා වෙන්නේ.
-පංචාලි අබේසේකර
