ඔහු සදහන් කර සිටියේ වී මිලදී ගැනීමේ කටයුත්ත ඇතුළත බරපතළ ප්‍රශ්න ගණනාවක් තිබෙන බවත්, අප්‍රේල් මස 05 වැනිදා සිට නාඩු සහල් කිලෝවක් සතොස සහ සමුපකාර සමිති හරහා රුපියල් 97 කට ලබාදෙන බවත්ය.
මේ පිළිබදව අදහස් පලකළ අමාත්‍යවරයා ,
''පාරිභෝගික අධිකාරියේ තිබෙන පනතින් වැඩක් නෑ, සහල් වැඩි මිලට වික්කොත් දඩය ලෙස ගහන්නේ රුපියල් දෙදහස් පන්සීයයි. වී මෝල් හිමියා දඩයට අමතරව පෙරකදෝරුවාගේ 2500ත් ගෙවනවා. සහල් වැඩි මිලට විකුණනවා නම් දින 14ක් බන්ධනාගාර ගත කළ යුතුයි. මේ පනත් වෙනස්විය යුතුයි.
එහෙම නැත්නම් රුපියල් පනස් දහසක හෝ ලක්ෂයක දඩයක් නියම කළ යුතුයි. දැන් නිකුත් කරන 2500 ක දඩය මහා පරිමාණ වී මෝල් හිමියන්ට දැනෙන්නේවත් නෑ. පිටකොටුවේ විතරක් එක දවසට රුපියල් ලක්ෂ 200ක සහල් විකුණනවා. පනත වෙනස් කරන ලෙස පාරිභෝගික කටයුතු පිළිබඳ අධිකාරියත් දැනුවත් කරනවා'' යනුවෙන් සදහන් කර තිබේ.
-පංචාලි අබේසේකර
