එහි සභාපති ශෂී වෙල්ගම මහතා සදහන් කර ඇත්තේ, මෙහි විශේෂත්වය වන්නේ කලින් ආසන වෙන් කර ගැනීමේ පහසුකම්ද මගීන්ට සලසා ඇති බවයි.
මේ පිලිබදව අදහස් පළකළ සභාපතිවරයා ,
''අලුත් අවුරුදු සමයේ විශාල පිරිසක් කොළඹ සිට පිට පළාත් බලා පිටත්ව යනවා. මෙසේ ගම්බිම් බලා යන ජනතාවයේ පහසුව උදෙසා හදුනාගත් නගර දක්වා විශේෂ බස් සේවාවක් හෙට සිට ලබන 12 වැනිදා දක්වා ක්‍රියාත්මක කිරීමට ජාතික ගමනාගමන කොමිෂන් සභාව තීරණය කර තිබෙනවා. ඒ අනුව පිටකොටුව බැස්ටියන් මාවත අන්තර් පළාත් බස් පර්යන්තයේ සිට මෙම සේවා ක්‍රියාත්මකයි. අදාළ බස් රථ සේවා සම්බන්ධ වැඩි විස්තර සහ ආසන වෙන් කරවා ගැනීම ඩබ්ලිව් ඩබ්ලිව් ඩබ්ලිව් ඩොට් එන් ටී සී බුකින්ග් ඩොට් එල් කේ වෙබ් අඩවියෙන් හෝ මයි බස් ඩෑෂ් එස් එල් ජංගම දුරකතන යෙදවුම මගින් හෝ සිදු කර ගත හැකියි. එසේම බැස්ටියන් මාවත ජාතික ගමනාගමන කොමිෂන් සභා කාර්යාලයට පැමිණීමෙන්ද මෙම පහසුකම් ලබා ගත හැකි'' යනුවෙන් සදහන් කර ඇත.
-පංචාලි අබේසේකර
