උතුරේ යුද්ධයේදී අතුරුදහන්වූවන් පිළිබඳව සොයා බැලීමේ කොමිසමේ කටයුතු නිරීක්ෂණය කිරීමට සහ උපදෙස් දීම සඳහා අන්තර් ජාතික විශේෂඥයින් තිදෙනෙකු පත් කලත් ඔවුන් ඒකාධිපති නායකයන් රැක ගැනීමේ අත්දැකීම් ඇති අය බවත් රාජ්‍ය නායකයන් ආරක්ෂා කර ගැනීමේ අරමුණෙන් ඔවුන් පත්කොට ඇති බවත් මංගල සමරවීර මන්ත්‍රීවරයා පෙරේදා පැවති මාධ්‍ය හමුවකදී ප්‍රකාශ කළේය.
මංගල සමරවීර මන්ත්‍රීවරයා පෙන්වා දීමට උත්සාහ දරා ඇත්තේ රජය සහ රජයේ ප්‍රධානීන් ලෙස ක්‍රියා කරන පුද්ගලයන් දඬුවම් ලබන තැනකට ගෙන ආ යුතු බව යයි අමාත්‍ය මණ්ඩල දැනුම් දීමේ මාධ්‍ය හමුවේදී ප්‍රතිචාර දැක්වූ රඹුක්වැල්ල අමාත්‍යවරයා පැවසුවේය.
“ඒ නිසාම ඉදිරියේදී එවැනි දේ බලාපොරොත්තු විය හැකියි. එතකොට අපි බලමු, ” ඇමතිවරයා තවදුරටත් ප්‍රකාශ කළේය
රටේ නායකයන් ආරක්ෂා කරගැනීම ආණ්ඩුවක වගකීමක් බව අවධාරණය කල කැබිනට් ප‍්‍රකාශක කෙහෙළිය රඹුක්වැල්ල අමාත්‍යවරයා , 'ඇඩ්වයිස් ගන්නේ බේරගන්න කට්ටියගෙන් තමයි..බේරන්නේ නැති අයගේ ඇඩ්වයිස් ගන්නේ නැහැ..'' යයි ද ප්‍රකාශ කර සිටියේය.
