සංචරණ සීමා පැනවීම හේතුවෙන් ප්‍රත්‍ය පහසුකම් නොලබන විහාරස්ථාන සහ අනෙකුත් ආගමික ස්ථාන වෙනුවෙන් මෙම ආධාර බෙදා දීමේ ව්‍යාපෘතිය ආරම්භ කළේ බුද්ධශාසන, ආගමික හා සංස්කෘතික කටයුතු අමාත්‍යවරයා වශයෙන් අග්‍රාමාත්‍යවරයාගේ උපදෙස් මත ය.
මෙයට පෙර රට වසා දැමූ අවස්ථාවල සහ සංචරණ සීමා පැන වූ කාලවල දී ද මෙලෙස ආගමික ස්ථාන සඳහා ප්‍රත්‍ය පහසුකම් සැපයීම අඛණ්ඩව සිදුවිය. මෙම වැඩසටහන ඔස්සේ ප්‍රත්‍ය පහසුකම් නොලබන විහාරස්ථාන, මෙහෙණි ආරාම ඇතුළු සියලු ම ආගමික ස්ථානවලට "සතොස" සහයෝගය ඇති ව වියළි ආහාර පාර්සලයක් හිමි වීමට නියමිත ය.
මෙම වැඩපිළිවෙළ යටතේ සියලු ම ආගම් නියෝජනය වන පරිදි ආධාර පාර්සල් බෙදා දීම අද දින සංකේතවත් කෙරිණි.
-පංචාලි අබේසේකර
