නිවේදනයක් නිකුත් කරමින් ඔවුන් මේ බව පවසා සිටී
නිවේදනය මෙසේය.
පවුල් සෞඛ්‍ය වෛද්‍ය සංගමයේද සහයෝගය ඇතිව හෙද සේවාවේ පරිපාලනය හා කළමණාකරණය ප්‍රතික්ෂේප කිරීම හා සූතිකා පුහුණුවට එරෙහිවීම යන ගැටළු පදනම් කර ගනිමින් ආරම්භ කළ විරෝධතාවයන් නිසා සමස්ථ සෞඛ්‍ය ක්ෂේත්‍රයම පසුගිය මාස 02 තුළ අර්බුධයකට පත්විය.
එයට විසඳුම් සෙවීම සඳහා ඇමැතිවරයාගේ ඉල්ලීම් පිට රජය විසින් පී බී ජයසුන්දර මහතා පත් කෙරිණ. මෙම කමිටුව සඳහා සෞඛ්‍ය ලේකම් සෞඛ්‍ය සේවා අධ්‍යක්ෂ ජනරාල්, සෞඛ්‍ය අතිරේක ලේකම් හා රාජ්‍ය පරිපාලන අමාත්‍යංශයේ නියෝජිතයෙක්ද සම්බන්ධ කෙරිණ.
මෙම කමිටුව වෘත්තීය සමිති මගින් වෙන වෙනමත් එකටත් සාකච්ඡා කර විසඳුම් යෝජනා ඇතුලත් වාර්තාවක් සෞඛ්‍ය ඇමැතිට පසුගිය සතියේ භාර දුනි.
එහෙත් මීට විසඳුම් ලබාදෙමින් ගැටළු නිරාකරණය කිරීම ඇමැතිවරයා ඇතුළු බළධාරීන් කළ යුතු වුවවද තවමත් එය ප්‍රමාද කරමින් සීටීම බරපතල ගැටළුවක් බව සමන් රත්නප්රිය මහතා පෙන්වා දෙයි.
