මුදල් අමාත්‍යාංශය විසින් ඉදිරිපත් කරනු ලබන මෙම පරිපූරක ඇස්තමේන්තුව හෙට (23දා) විවාදයට ගැනීමට නියමිත බව පාර්ලිමේන්තුවේ මහලේකම් ධම්මික දසනායක මහතා පැවැසීය.
අයවැය යෝජනාවලියෙන් වෙන් කෙරෙන වියදම්වලට අමතරව පරිපූරක ඇස්තමේන්තු මගින්ද රජයේ වියදම් සඳහා මුදල් අනුමත කර ගැනීමේ හැකියාව පවතී.
ඒ අනුව මෙය මෙරට ඉතිහාසයේ වැඩිම මුදලක් ඉල්ලා ඉදිරිපත් කරන පරිපූරික ඇස්තමේන්තුව ලෙසද වාර්තා වෙයි.
කොවිඞ් ව්‍යාප්තිය සාර්ථකව පාලනය කිරීමටත් පීඩාවට පත් ජනතාවට සහන සැලසීමටත්, ප‍්‍රතිකාර සේවා පුළුල් කිරීම හා ඊට සමගාමී කටයුතු අඛණ්ඩව සිදුකිරීමටත් අදාළ මුදල ඉල්ලා සිටින බව මුදල් අමාත්‍යාංශය පසුගියදා කැබිනට් මණ්ඩලයට දන්වා තිබේ.
-පංචාලි අබේසේකර
