ඔවුන් මේ බව පවසා සිටියේ ඊයේ(14) පැවැති මාධ්‍ය හමුවකදී අදහස් දක්වමිනි.
මෙම පුද්ගලයාට ඇති චෝදනා පිළිබඳව මෙන්ම ප්ලාස්ටික් සැත්කම් පිළිබඳව විශේෂඥවරුන් සියළුම දෙනා එකතු වී 2011 වසරේ පැමිණිළි කළත් එම පැමිණිල්ලට අනුවවත් කටයුතු නොකිරීම හේතුවෙන් රජයේ රෝහලක සේවය කළ වෛද්‍යවරියකට පවා ජීවිතයෙන් වන්දි ගෙවීමට සිදුවූ බව එම සංගමය පෙන්වා දෙයි.
වැඩිදුරටත් අදහස් දක්වමින් එම සංගමයේ සභාපති විශේෂඥ වෛද්‍ය අනුරුද්ධ පාදෙනිය මහතා පෙන්වා දෙන්නේ පනතේ ඇති අඩුපාඩු කම් නිසා රූපලාවන්‍යාගාරයක් තුල සැත්කම් කිරීමට පවා අවස්ථාව උදා වී තිබෙන බවත් එහෙත් කාමරයක් සැත්කම් කිරීම ස්ථානයක් බවට පත් කළ නොහැකි බවය.
වසර 2008 වසරේදී පෞද්ගලික රෝහල් නියාමනය කිරීම පනත එළිදැක්වූ මොහොතේම එහි අඩුපාඩු පිළිබඳව ජනාධිපතිවරයා සමග සිදුකළ සාකච්ඡාවකදී එය නිවැරදි කළ යුත් ආකාරය පිළිබඳව රජයේ වෛද්‍ය නිළධාරීන්ගේ සංගමය ලබා දුන් යෝජනා ඇතුලත් කරන ලෙසට සෞඛ්‍ය අමාත්‍යංශයට නියෝග ලබාදුන්නද එම නියෝගය ක්‍රියාත්මක වී නොමැත.
ඒ හේතුවෙන් පෞද්ගලික රෝහල් වල සේවය කරන විශේෂඥ වෛද්‍යවරුන්ගේ සුදුසුකම් පිළිබඳව සොයා ගැනීමට රජයේ රෝහල් වල සේවය කරන වෛද්‍යවරයෙකුටවත් නොහැකි වී තිබෙන බැවින් පෞද්ගලික රෝහල් නියාමනය කිරීමේ පනත වහාම ශක්තිමත් කරන ලෙස එම සංගමය ඉල්ලා සිටී
