ශිෂ්‍යත්ව විභාගය සඳහා සිසුන් 335,585ක් පෙනී සිටීමට නියමිතය. පැය 24 පුරා ක්‍රියාත්මක වන සම්බන්ධීකරණ මධ්‍යස්ථාන 497ක් තුළින් විභාගය සම්බන්ධීකරණ කටයුතු සිදු කෙරේ.
පසුගිය වාරයේ ශිෂ්‍යත්ව විභාගයේ ප්‍රශ්න පත්‍රය ඒ ලෙසම ඊට දින දෙක තුනකට පෙර පුද්ගලික ටියුෂන් ගුරුවරයෙකු විසින් පෙරහුරු ප්‍රශ්න පත්‍රයක් ලෙස තම සිසුනට ලබා දීම නිසා රජය විසින් නව නීතියක් ගෙන එමින් කියා සිටියේ විභාගයට සති දෙකක් තබා සියළු උපකාර පන්ති නතර කළ යුතු බවත් එම සති දෙක තුල සිසුන්ට පෙරහුරු ප්‍රශ්න පත්‍ර උගන්වන සම්මන්ත්‍රණ හෝ පැවැත්වීම සම්පූර්ණයෙන්ම නීති විරෝධී බවත් ය.
නීතිය එසේ තිබියදී පාර්ලිමේන්තු මන්ත්‍රී නාමල් රාජපක්ෂ මහතා විසින් එකී නීතිය උල්ලංඝණය කරමින් පසුගියදා හම්බන්තොට තෝරා ගත් දරුවන් පිරිසකට ශිෂ්‍යත්ව පෙරහුරු සම්මන්ත්‍රණයක් පවත්වා, ප්‍රශ්න පත්‍ර දෙකක් ලබා දී උත්තර ලියවා පුහුණු කර තිබේ.
ප්‍රශ්න පත්‍රවල සඳහන් වන්නේ 'සංකල්පය - තාරුණ්‍යට හෙටක්' කියා ය.
මෙම ප්‍රශ්න පත්‍ර දෙකෙහි පළමු වැන්න සකසා ඇත්තේ නීතිඥ ග්‍රේෂන් කුලරත්න නම් අයෙකි. දෙවැනි ප්‍රශ්න පත්‍රය සකසා ඇත්තේ ඩබ්.ඒ.ඩී. ලයනල් නමැත්තෙකි.
නාමල් රාජපක්ෂ මහතා ගේ 'තාරුණ්‍යට හෙටක්' සංවිධානය විසින් ලබා දුන් ශිෂ්‍යත්ව විභාග ප්‍රශ්න පත්‍ර දෙක සම්පූර්ණයෙන් පහත දැක්වේ.
මෙහි බොහෝ ප්‍රශ්න හෙට පැවැත්වීමට නියමිත ශිෂ්‍යත්ව විභාගයට ඇතුළත්වීමට ඉඩ ඇතැයි බොහෝ දෙමාපියන් තුල විශ්වාසයක් පවතින බව පැවසේ. ඔවුන්ගේ ප්‍රයෝජනය සඳහා එම ආදර්ශ ප්‍රශ්න පත්‍ර දෙක පහත පළකර ඇත.
