මිරිස් වගා කීරිමේ ව්‍යාපෘතිය යටතේ නාවලපිටිය ගලබොඩ වතුයායේ අක්කර සියයක මිරිස් වගාවේ අස්වැන්න නෙලිම පසුගියදා මහින්දානන්ද අලුත්ගමගේ අමාත්‍යවරයාගේ මුලිකත්වයෙන් සිදුවිය.
මෙරට වාර්ෂික මිරිස් අවශ්‍යතාවය මෙට්‍රික් ටොන් 5000ක් වුවද මෙරට නිෂ්පාදනය කරනු ලබන මිරිස් ප්‍රමාණය මෙට්‍රික් ටොන් 50ක් පමණයි. මෙනිසා මිරිස් ආනයනය සදහා වාර්ෂිකව විශාල මුදල් ප්‍රමාණයක් පිටරටට ඇදී යාම වලක්වා මෙරට මිරිස් අවශ්‍යතාවය මෙරටදීම නිෂ්පාදනය කර ගැනිම සදහා පියවර ගන්නා ලෙස අමාත්‍යවරයා කෘෂිකර්ම දෙපාර්තමේන්තුවට උපදෙස් දී තිබේ.
මේ අනුව හෙක්ටයාර් 3000 ක මිරිස් වගා කිරිමට කෘෂිකර්ම දෙපාර්තමේන්තුව සැලසුම් කර තිබෙනවා. මේ අතර ජනවසමට අයත් ආර්ථික ඵලදායිතාවක් නොමැති ගලබඩ වතුයායේ අක්කර සියයක් වතුකරයේම දමිළ තරුණයින් සියදෙනෙකු වෙත බෙදා දී මිරිස් වගාව ආරම්භ කළේ ආදර්ශ වගාවක් ලෙසයි.
දමිළ තරුණ පිරිසද ඉතා උනන්දුවෙන් මිරිස් වගාවට යොමු වී පලමු අක්කර සියයතුල වගාව සාර්ථක කරගැනීම හේතුවෙන් ගලබඩ වත්තතේ තවත් අක්කර සියයක මිරිස් වගාවක් ආරම්භ කිරිමට මහින්දානන්ද අලුත්ගමගේ අමාත්‍යවරයා සැළසුම් කර තිබෙන බවත් වාර්තා වේ.
-පංචාලි අබේසේකර
