ආණ්ඩු පක්ෂයේ පාර්ලිමේන්තු මන්ත්‍රී කණ්ඩායම් රැස්වීම ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ඊයේ පවත්වා ඇති අතර එයට සහභාගි වීමෙන් අනතුරුව මාධ්‍ය වෙත අදහස් දක්වමින් අමාත්‍යවරයා එම අදහස් පළ කර ඇත.
ඊයේ (24) රාත්‍රියේ ජනාධිපති ලේකම් කාර්යාලයේ දී පාර්ලිමේන්තු මන්ත්‍රී කණ්ඩායම් රැස්වීම පවත්වා තිබේ.
එහිදි ඉදිරි අයවැය පිළිබඳව මෙන්ම එළඹෙන සතියේ පාර්ලිමේන්තු කටයුතු පිළිබඳව දීර්ඝ වශයෙන් සාකච්ඡා වී ඇත.
මාධ්‍ය වෙත අදහස් දැක්වූ අමාත්‍ය උදය ගම්මන්පිල ,
"එකම ප්‍රශ්නෙනේ හැමදාම අහන්නේ. අපට දෙන්න තියෙන්නේ උත්තරේ තෙල් හිඟයක් නැත. නුදුරු දිනක තෙල් මිල වැඩිකිරීමේ බලාපොරොත්තුවක්ද නැත. ලෝකයේ තෙල් මිල වැඩි නොකළ රටවල් කිහිපයෙන් එකක් බවට පත්කරගෙන, මුළු ලෝකයේම තෙල් මිල වැඩිකරලා තියෙද් දී ලංකාවේ විතරක් අල්ලගෙන ඉන්නේ ජනතාව විඳින දුක අපිත් තේරෙන හින්දා."
පාර්ලිමේන්තු මන්ත්‍රී පූජ්‍ය අතුරලියේ රතන හිමියන්,
"ප්‍රධාන වශයෙන් ගොවිතැන ආශ්‍රිතව ඇතිවෙලා තියෙන ගැටලුව ජනාධිපතිතුමා ඉතා පැහැදිලිව පෙන්නුවා ජනාධිපතිතුමා බලයට පත්වූ පසු පටන්ගත්ත එකක් මේක නිලධාරීනේගේ අතපසුවීම මක කරගනන් බැරි වූ දෙයක් බව මේකේ අඩුපාඩුකම් ක්‍රමවේදයන්වල ප්‍රශ්න ගොඩක් තියෙනවා. නමුත් එතුමා ඒ ගත්ත ප්‍රතිපත්තිය සම්පූර්ණයෙන් අගය කරනවා. එකේ ක්‍රීයාකාරීත්වය ගැන මටත් අඩුපාඩුවක් තියෙනවා."
රැස්වීමෙන් අනතුරුව මාධ්‍යට අදහස් දක්වමින් අමාත්‍ය වාසුදේව නානායක්කාර මහතා පවසා සිටියේ, "ජනතාවගේ ඉතාම දරුණු ජීවන වියදම් තත්ත්වයක් තියෙනවා. ඒකට අයවැය සමග අපි අඩු ආදායම් ලාභී පුවුල්වලට සහන මල්ලක් ලබාදීමේ වැඩපිළිවෙලක් තියෙනවා." යනුවෙනි.
-පංචාලි අබේසේකර
