කටාර් ගුවන් සේවයට අයත් භාණ්ඩ ප්‍රවාහන ගුවන් යානයකින් ගෙන එන ලද මෙම එන්නත් තොගය ගුවන්තොටුපොළ පරිශ්‍රයේ ශීතකරණ තුළ තැන්පත් කිරීමට පියවර ගෙන තිබුණා. පසුව ශ්‍රී ලංකා ඖෂධ නීතිගත සංස්ථාවේ ශීතකරණ පහසුකම් සහිත ලොරි රථ මගින් මධ්‍යම ගබඩා සංකීර්ණය වෙත රැගෙන ගිය බවයි වාර්තා වෙන්නේ.
මේ අතර කොරෝනා රෝගී තත්ත්වය 100%ක් පාලනය කර නොමැති අවස්ථාවකදී මහජනතාව අධික ලෙස එක්රැස්වීමෙන් සහ සංචාරය කිරීමෙන් නැවතත් රට තුළ බරපතල තත්ත්වයක් ඇති විය හැකි බව සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජෙනරාල් විශේෂඥ වෛද්‍ය හේමන්ත හේරත් මහතා පවසනවා.
-පංචාලි අබේසේකර
