බත්තරමුල්ල අපේගම පරිශ්‍රයේ පැවති වැඩසටහනකින් අනතුරුව මාධ්‍ය වෙත අදහස් දක්වමින් ඒ මහතා මේ බව කියා සිටියා.
ලක්සල වරලත් අලෙවි නියෝජිත ප්‍රදර්ශනාගාරයක් චීනයේ ආරම්භ කිරීම සදහා වූ ගිවිසුම් අත්සන් තැබීම බත්තරමුල්ල අපේගම පරිශ්‍රයේ පිහිටි ලක්සල ප්‍රදර්ශනාගාරයේදී සිදු වුණා. ලක්සල වෙනුවෙන් එහි සභාපති නීතිඥ ලක්මාල් වික්‍රමාරච්චි මහතා සහ සාලාග්ලෝබල් පුද්ගලික සමාගම වෙනුවෙන් අර්ජුන දිසානායක මහතා මෙම ගිවිසුමට අත්සන් කළා. චීනයේ ශ්‍රී ලංකා මහ කොමසාරිස් ආචාර්ය පාලිත කොහොන මහතාද සූම් තාක්ෂණය ඔස්සේ මෙම අවස්ථාවට එක් වුණා.
මෙම ප්‍රදර්ශනාගාරය මගින් පාරම්පරික හස්ත කර්මාන්තකරුවන්ගේ නිර්මාණ, බතික්, අත්යන්ත්‍ර රෙදිපිළි, තේ, කුළුබඩු, ආයුර්වේද නිෂ්පාදන මෙන්ම දේශීය රූපලාවන්‍ය නිෂ්පාදනද චීනය තුළ ප්‍රවර්ධනයට සැලසුම් කර තිබෙනවා. මෙලෙස විවෘත කෙරුණේ පස්වන ලක්සල ජාත්‍යන්තර වරලත් අලෙවි නියෝජිත ප්‍රදර්ශනාගාරයයි.
-පංචාලි අබේසේකර
