නොබෝදා දියත් වූ මුදල් අමාත්‍ය බැසිල් රාජපක්ෂ මහතාගේ ඉන්දියානු සංචාරයෙන් පසුව මෙම පියවර ගෙන ඇති බව Economic Times වැඩිදුරටත් වාර්තා කර සිටී.
ආහාර හා සෞඛ්‍ය සුරක්ෂිතතාව, බලශක්ති සුරක්ෂිතභාවය සහ විනිමය හුවමාරු ඇතුළු ක්ෂේත්‍ර කිහිපයක් ආවරණය වන පරිදි මෙම ආධාර පැකේජය සකස් කෙරෙන බව එහි වැඩිදුරටත් සඳහන් කර ඇත. එමෙන්ම මේ සමඟ ඉන්දියානු ආයෝජන ද මෙරටට ලැබෙනු ඇති බවත් මේ සඳහා බැසිල් රාජපක්ෂගේ සංචාරයේදී එකඟ වූ බවත් මෙම වාර්ථාවේ සඳහන්ය.
ශ්‍රී ලංකා මුදල් අමාත්‍යවරයා සහ ඉන්දීය විදේශ කටයුතු අමාත්‍යවරයා සමඟ පැවැත්වූ සාකච්ඡාවේදී ආර්ථික සහයෝගීතා අංශය කෙරෙහි විශේෂ අවධානයක් යොමු කරමින් ද්විපාර්ශ්වික සබඳතාවයට අදාළ අන්‍යෝන්‍ය වැදගත්කමක් ඇති කරුණු රාශියක් කෙරෙහි අවධානය යොමු වී තිබිණි.
