ප්‍රදේශයේ අබලන් පාලම වෙනුවට නව පාලමක් ඉදි කර දෙන බවටද මන්ත්‍රිවරයා මෙහිදී ප්‍රතිඥා දුන්නා.

ඇල්පිටිය බටුවන්හේන අක්කර 16 ක්‍රිඩා පිටියේ සංවර්ධන කටයුතු ආරම්භ කෙරුණේද අයවැයෙන් වැඩ ලක්ෂයක් වැඩසටහන යටතේයි. පාර්ලිමේන්තු මන්ත්‍රී ගීතා කුමාරසිංහ මහත්මියගේ මූලිකත්වයෙන් මෙය ආරම්භ කෙරුණා.

බෙන්තර ඇල්පිටිය ආසනයේ තලාව මංසන්ධියේ සිට අලිකෑ හේන අටකොහොට දක්වා මාර්ගය කාපට් අතුරා සංවර්ධනය කිරීමේ කටයුතු ද ආරම්භ කෙරුණේ ගීතා කුමාරසිංහ මන්ත්‍රිවරියගේ ප්‍රධානත්වයෙන්. කිලෝමීටර් 3.3 ක් මෙහිදී සංවර්ධනය කිරීමට නියමිතයි.

බණ්ඩාරවෙල මැතිවරණ කොට්ඨාසයේද සංවර්ධන ව්‍යාපෘති 460ක් ක්‍රියාත්මක කෙරෙනවා. අය වැයෙන් වැඩ ලක්ෂයක් යටතේ පාර්ලිමෙන්තු මන්ත්‍රි සුදර්ශන දෙණිපිටිය මහතාගේ ප්‍රධානත්වයෙන් ව්‍යාපෘති රැසක වැඩ ආරම්භ කෙරුණා. බණ්ඩාරවෙල ලියන්ගහවෙළ ශ්‍රී බෝධිරුක්ඛාරාම විහාරස්ථානයට පැමිණෙන මාර්ගයේ පාලමක මුල්ගල තැබීමද ඊට අයත්. ජල පෝෂක ප්‍රදේශ සංරක්ෂණය වෙනුවන් පැළ සිටුවීම ද සිදු කෙරුණා.

බියගම හෙයියන්තුඩුව උතුර බහුකාර්ය ගොඩනැගිල්ල ඉදි කෙරෙනුයේ රුපියල් ලක්ෂ 280 ක වියදමින්. බියගම ප්‍රාදේශීය සභාවේ සභාපති ආනන්ද ගනේපොල මහතාගේ මූලිකත්වයෙන් එහි ඉදිකිරීම් ආරම්භ කෙරුණා.

-පංචාලි අබේසේකර