තද උණ, වමනය, පාචනය, හා මස්ගොබ වේදනාව වැනි රෝග ලක්ෂණ සහිතව මෙම රෝගියා රිකිල්ලගස්කඩ මූලික රෝහලට ඇතුළත් කර ඇති මෙම පුද්ගලයා පසුව මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා සඳහන් කළේය.


මෙම හදිසි මරණය මී උණ රෝගය නිසා සිදුව ඇතැයි විශ්වාස කෙරේ. එනමුත් දැනට විදේශයන් ගණනාවක ඉබෝලා රක්තපාත රෝග ව්‍යාප්ත වෙමින් තිබෙන බැවින් ගෝලීය ආරක්ෂක පියවරක් ලෙස මෙම මරණය පිළිබඳව පුළුල් අවධානයක් යොමු කරන ලෙස සියලුම ප්‍රාදේශීය සෞඛ්‍ය බලධාරීන්ට උපදෙස් දී ඇති බව වෛද්‍ය පාලිත මහීපාල මහතා සඳහන් කළේය.


මියගිය පුද්ගලයාගෙන් ලබා ගත් රුධිර සාම්පල් මේ වන විටත් බොරැල්ල වෛද්‍ය පර්යේෂණායතනයේ ඉබෝලා පරීක්ෂණය සඳහා යොමු කර ඇත.


මෙම සංචාරය සඳහා සහභාගි වූ සෙසු පුද්ගලයින් සම්බන්ධයෙන් ද විමසිලිමත් වන ලෙස මහජන සෞඛ්‍ය පරීක්ෂකවරුන්ට උපදෙස් දී ඇතැයි අධ්‍යක්ෂ ජනරාල්වරයා සඳහන් කළේය.