නීතියේ ආධිපත්යයට සිදුකරන අතපෙවීම් වලක්වා ගන්නා තෙක් රටක් ලෙස ඉදිරි ගමනක් යෑමට නොහැකි බව අගරදගුරු අති උතුම් මැල්කම් කාදිනල් රංජිත් හිමිපාණන් පවසනවා. කොච්චිකඩේ ශාන්ත අන්තෝනි දේවස්ථානයේ පැවැති උත්සවයකට එක් වෙමිනුයි උන් වහන්සේ මෙම අදහස් පළ කළේ.
අප්රේල් 21 පාස්කු බෝම්බ ප්රහාරයේ වින්දිතයන් වෙත ආධාර වශයෙන් ලබා දීමට ශුද්ධෝත්තම ෆ්රැන්සිස් පාප් වහන්සේ යුරෝ ලක්ෂයක මුදලක් අගරදගුරු මැල්කම් කාදිනල් රංජිත් හිමිපාණන්ට පරිත්යාග කර තිබුණා. ඒ යටතේ කොච්චිකඩේ ශාන්ත අන්තෝනි දෙව් මැදුරේ දී පාස්කු ඉරිදා බෝම්බ ප්රහාරයේ වින්දිතයන් පිරිසකට මුදල් පරිත්යාග කිරීමටයි මෙම උත්සවය සංවිධාන කර තිබුනේ. ශ්රී ලංකාවේ වතිකාන අපෝස්තලික තානාපති අති උතුම් බ්රයන් උඩයිග්වේ අගරදගුරු හිමිපාණන්ගේ ප්රධානත්වයෙන් වැඩසටහන පැවැත්වුණා.
