ඒ සඳහා, අද පෙරවරු 11.00 ශ්රී ලංකා මහ බැංකුවේදී විශේෂ මාධ්ය හමුවක් පැවැත්වෙන අතර ඊට ජාත්යන්තර මූල්ය අරමුදලේ මෙරට ජ්යෙෂ්ඨ දූත මණ්ඩල ප්රධානී පීටර් බෲවර් සහ එහි මෙරට දූත මණ්ඩල ප්රධානී මසහිරෝ නොසාකි සහභාගි වීමට නියමිත ය.
ශ්රී ලංකාව, ජාත්යන්තර මූල්ය අරමුදල (IMF) සමග හදිසි ණය ප්රදානයක් සම්බන්ධයෙන් මූලික එකඟතාවකට පැමිණ ඇතැයි ඊයේ (අගෝ. 31) රොයිටර්ස් පුවත් සේවය වාර්තා කළේ ය.
කෙසේ වෙතත්, කොපමණ මූල්යධාරයක් ශ්රී ලංකාවට ලැබෙනු ඇති ද යන්න එහි සඳහන් කර නොතිබුණු නමුත් එම ප්රවෘත්තියත් සමග මෙරට ඩොලර් බැඳුම්කර මාස දෙකකට පසු ඉහළ මට්ටමක අගයක් වාර්තා කරමින් සිටින බව සඳහන් කර තිබිණි.
ශ්රී ලංකාවට ණය ලබා දීමේ වැඩපිළිවෙල සම්බන්ධයෙන් කාර්ය මණ්ඩල සාකච්ඡා සඳහා අගෝ. 24 වන දා දිවයිනට පැමිණි ජාත්යන්තර මූල්ය අරමුදලේ නියෝජිතයින් ඊයේ (අගෝ. 31) දිනයේ දිවයිනෙන් පිටත්ව යාමට නියමිතව තිබිණි.
කෙසේ වෙතත්, බලධාරීන් සමග තවමත් සාකච්ඡා පැවැත්වෙන බැවින් එම කාලය එක් දිනකින් දීර්ඝ කිරීමට පියවර ගත් බව නිල වශයෙන් නිවේදනයක් නිකුත් කරමින් ජාත්යන්තර මූල්ය අරමුදල සඳහන් කළේ ය.
දශක හතකට වැඩි කාලයක් තුළ මුහුණ දුන් දරුණුතම ආර්ථික අර්බුදය සමග පොරබදමින් සිටින ශ්රී ලංකාව ජාත්යන්තර මූල්ය අරමුදලෙන් අමෙරිකානු ඩොලර් බිලියන 3ක මූල්යධාරයක් බලාපොරොත්තුවෙන් සිටියි.
