සියලුම ශ්රේණිවලට එය අදාළ වන බවත් සිසුන්ට විභාග සමත් වීමට එසේ දෛනික පාසල් පැමිණීම අත්යවශ්ය කාරණයක් වන බවත් අධ්යාපන අමාත්යවරයා ප්රකාශ කර තිබේ.
එමෙන් ම ඉදිරියේ දී උසස් පෙළ විභාගය පැවැත්වුණ ද 2024 ජනවාරිවල පාසල්වල ප්රාථමික පන්ති පවත්වාගෙන යාමට අපේක්ෂා කරන අතර ලබන වසර තුළ අතපසු වූ සියලු විෂය ආවරණ කටයුතු සම්පූර්ණ කර නිමා කරන බව ද ඊට අදාළ ව නිවාඩු කාලය අඩු වන බව ද කී අමාත්යවරයා තරුණ ජනගහනයට සාපේක්ෂ ව රටේ වැඩිහිටි ජනගහනය වැඩි වීමෙන් ඉදිරියට රටට තවත් බරක් එකතු වන බවත් මේ සියලු ගැටලු ජයගැනීම සඳහා නිසි ආර්ථික හා ප්රතිපත්ති ඇතුළත් මනා පරිපාලන කළමනාකාරීත්වයක් තිබිය යුතු බවත් එහි දී සැම විට මුදල් ම අවශ්ය නොවන අතර ආකල්පමය වෙනස්කම් ප්රමාණවත් වන බවත් සඳහන් කළේ ය.
අමාත්යවරයා මේ අදහස් පළ කළේ අතිපූජ්ය නිවිතිගල ධම්මානන්ද නාහිමි අනුස්මරණ ශිෂ්යත්ව පදනමේ අයගම කොට්ඨාසයේ 2022 ශිෂ්යත්ව සමතුන් ඇගයීමේ උත්සවයට එක් වෙමිනි.
