ශ්‍රී ලාංකේය තරුණ තරුණියන් වෙනුවෙන් හෝටල් ක්ෂේත්‍රය පිළිබඳ පුළුල් අවබෝධයක් සහ ප්‍රායෝගික දැනුමක් ලබා දෙමින් ජාත්‍යන්තරව පිළිගත් සහතික පත්‍රයක් සමගින් දෙස් විදෙස් රැකියා අවස්ථා සදහා යොමු කිරීමේ අරමුණ ඇතිව ජාතික යොවුන් සේනාංකය සහ ස්විස් හොටෙල් මැනේජ්මන්ට් ඇකඩමිය අතර මෙම අවබෝධතා ගිවිසුමට එළැඹීම (17) දින ක්‍රීඩා හා යෞවන කටයුතු අමාත්‍යාංශයේ දී සිදු කෙරිණ.

මෙම ගිවිසුම ශ්‍රී ලංකා රජය සහ ස්විස්ටර්ලන්ත රජය මැදිහත්ව ක්‍රීඩා හා යෞවන කටයුතු අමාත්‍යාංශය යටතේ ඇති ජාතික යොවුන් සේනාංකයත්, බවර්ස් (Baurs) ව්‍යාපාරික ආයතනයත් එකතු වී අත්සන් තැබූ අතර, අවබෝධතා ගිවිසුම අනුව රටෙහි හෝටල් කර්මාන්තය සදහා තරුණ තරුණියන් වෘත්තීය මට්ටමින් ශක්තිමත් කිරීමට පුහුණුවීම්හි වියදම දැරීමට එකගත්වය පළ කර ඇත.

මෙම අවස්ථාවට Deputy Ambassador of Switzerland to Sri Lanka & Maldives MR. OLIVIER PRAZ (ඔලිවියර් ප්‍රාස්), First Secretary Of Switzerland To Sri Lanka & Maldives MS. DORIS MANOR (ඩොරිස් මැනෝර්), Managing Director & Ceo For Baurs MR. ROLF BLASER (රොල්ෆ් බ්ලාසර්), ක්‍රීඩා හා යෞවන කටයුතු අමාත්‍යාංශයේ ලේකම් කේ.මහේසන්, ජාතික යොවුන් සේනාංකයේ සභාපති නිලන්ත ඒකනායක, එහි අධ්‍යක්ෂ බ්‍රිගේඩියර් සුජීව රත්නායක යන අය එක්ව සිටියහ.