එක්සත් ජාතීන්ගේ 2030 තිරසර සංවර්ධනය සඳහා වූ න්යාය පත්රයේ ඉලක්ක සාක්ෂාත් කරගැනීම වෙනුවෙන් දකුණු කොරියාවේ පැවැති 7වෙනි කලාපීය සම්මන්ත්රණයේ දී මෙම ඇගයීම ලැබී ඇත.
එක්සත් ජාතීන්ගේ සංවිධානයට අයත් සාමාජික රටවල් රැසක සහභාගිත්වයෙන් දින තුනක් පුරා මෙම සම්මන්ත්රණය පැවැත්විණි.
“ඵලදායී පාලනය හා ඩිජිටල් සංවර්තනය තුළින් 2030 තිරසාර ඉලක්ක වෙත ප්රවේශවීම”මෙවර සම්මන්ත්රණයේ තේමාව විය.
ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ (ICTA) නියෝජ්ය ප්රධාන ඩිජිටල් ආර්ථික නිලධාරී සමීර ජයවර්ධන ශ්රී ලංකාව නියෝජනය කරමින් මෙම සම්මන්ත්රණයට සහභාගි වූ අතර “ශ්රී ලංකාවේ තිරසර සංවර්ධනය සඳහා ඩිජිටල් පාලනය සවිබල ගැන්වීම සහ ඩිජිටල් සංවර්තනය” මැයෙන් මෙහිදී විශේෂ දේශනයක් සිදු කර ඇත.
ශ්රී ලංකාව ඉකුත් වසරේ අග භාගයේ සිට ආරම්භ කරන ලද ඩිජිටල් සංවර්තනය සඳහා සමෝධානික ධාරිතා ප්රවර්ධන ප්රවේශය සහ එම කටයුතු ක්රියාත්මක කිරීමේ දී රටක් වශයෙන් ලත් අභියෝග සහ අත්දැකීම් පිළිබඳව ජයවර්ධන එහි විස්තර කර ඇත.
තවද ගෝලීය හා කලාපීය වශයෙන් ඩිජිටල් සංවර්තනයේ සහ ඩිජිටල් ආර්ථිකයේ ප්රතිලාභ රටක සෑම ප්රදේශයකට ම මෙන් ම එහි සියලු ස්තර වෙත ගෙන යෑමේ වැදගත්කම මෙහිදී අවධාරණය කළ ඔහු ඒ වෙනුවෙන් මෙරට ක්රියාවට නංවා තිබෙන ධාරිතා ප්රවර්ධන හා කලාපීය සංවර්ධන මූලෝපායන් ගැන පැහැදිලි කර ඇත.
මෙම ක්රියාදාමයන් සහ භාවිතයන් කලාපයේ සෙසු රටවල් වෙත ගෙන යෑමේ වැදගත්කම පිළිබඳව සඳහන් කළ හෙතෙම ශ්රී ලංකාවේ සමෝධානික ධාරිතා ප්රවර්ධන වැඩපිළිවෙළ ගැන දැනුවත් කිරීමක් සිදු කල අතර මේ යටතේ රාජ්ය අංශය සඳහා ක්රියාත්මක කෙරෙන සමෝධානික ධාරිතා ප්රවර්ධන ක්රියාවලිය, පුරවැසි බලගැන්වීම සහ කලාපීය ඩිජිටල් සංවර්තනය යන කාරණා ගැනමෙහි දී සංවාදයක් ද සිදු කෙරිණි.
සම්මන්ත්රණයට එක්ව සිටි එක්සත් ජාතීන්ගේ සහ විවිධ රටවල ජ්යෙෂ්ඨ නියෝජිතයින් ශ්රී ලංකාවේ එම ධාරිතා ප්රවර්ධන හා කලාපීය ඩිජිටල් සංවර්තනය පිළිබඳව සිය ප්රසාදය පළ කර ඇත.
ඵලදායී සහ කාර්යක්ෂම මහජන සේවාවන් සැපයීම සඳහා රාජ්ය අංශය තුළ ඩිජිටල් සංවර්තනයක් ඇති කිරීම සහ ඊට නවෝත්පාදන යොදා ගැනීම ගැනද මෙවර සම්මන්ත්රණයේ විශේෂ අවධානය යොමු විය.
එක්සත් ජාතීන්ගේ ආර්ථික හා සමාජ කටයුතු පිළිබඳ දෙපාර්තමේන්තුව (UN DESA), රාජ්ය ආයතන සහ ඩිජිටල් රාජ්ය සඳහා වන අංශය (DPIDG),දකුණු කොරියාවේ අභ්යන්තර හා ආරක්ෂාව පිළිබඳ අමාත්යංශය (MOIS) යන ආයතනයන්හි සහයෝගයෙන් මෙම සම්මන්ත්රණය පවත්වා තිබේ.
-රන්ජනා
