මීට අමතරව මියගිය කාන්තාවගේ සයමස් දරුවාට වන්දි මුදලක් ලෙස ලක්ෂ 25ක මුදලක් හා රුපියල් 1500 දඩ මුදලක් නියම කළාය.

අනතුරක් වළක්වා නොගැනීම, සාවද්‍ය මනුෂ්‍ය ඝාතනයක් සිදුකිරීම ඇතුළුව චෝදනා 07ක් යටතේ පොලිසිය සැකකරුට එරෙහිව චෝදනා ගොනුකළ අතර එම චෝදනාවන්ට සැකකරු අධිකරණය හමුවේ වරද පිළිගැනීම නිසා මේ දඬුවම නියම කෙරිණි. කොළඹ පුද්ගලික රෝහලක ආරක්ෂක අංශයේ අධ්‍යක්ෂ වන කිරිබත්ගොඩ පදිංචි මිලාන් සංජීව පියරත්න යන අයට මෙසේ දඬුවම් නියම විණි.

ඉකුත් අප්‍රේල් 27 දා ගුණසිංහපුර බස්නැවතුම ඉදිරිපිට ඇති කහ ඉර මතදී මෙම මාරක අනතුර සිදු වූ අතර මහනුවර, පූජා පිටියේ පදිංචි ෆාතිමා මුෆාසා නැමැති එක්දරු කාන්තාව මේ අනතුරින් මරුමුවට පත්වූවාය. 

(දිනමිණ)