ආණ්ඩුවට විරෝධය දක්වමින් සමඟ ජන බලවේගය කොළඹදී ඊයේ (30) පැවැත්වූ විරෝධතාවට පොලිසිය කඳුළු ගෑස් සහ ජල ප්‍රහාර එල්ල කිරීමෙන් පසුව පාක්ෂිකයන් අමතමින් සජිත් ප්‍රේමදාස මහතා එසේ පැවසීය.
රාජ්‍ය ත්‍රස්තවාදයෙන් සහ රාජ්‍ය භිෂණයෙන් ජනතාව තලා පෙළා තිබෙන වර්තමාන ආණ්ඩුව මූනිස්සන්වලින්, කඩුවෙන් හෝ බෝම්බයෙන් නොව ජන බලයෙන් සහ ජන ශක්තියෙන් මැතිවරණයකදී ගෙදර යවන බව කී ප්‍රේමදාස මහතා 2022 වසරේ රට විනාශ කළ ගෝඨාභය රාජපක්‍ෂ ඉවත්කර ප්‍රජාත්‍රවාදයේ මහා විප්ලවාදියා යැයි කියාගන්නා රනිල් ඇතුළු ආණ්ඩුවට වැඩි කලක් පාලනයේ සිටීමට අවස්ථාව නොදෙන බව ද සඳහන් කළේය.
මෙම විරෝධතාව ආණ්ඩුව ගෙදර යැවීමේ ආරම්භයක් පමණක් බවත් කී සජිත් ප්‍රේමදාස මහතා හැකි ඉක්මණින් මැතිවරණයක් දෙන ලෙස රාජපක්‍ෂලාගේ රූකඩ ජනාධිපතිවරයාට බල කරන බව ද සදඟන් කළේය.
කෙසේ නමුත් මෙම උද්ඝොෂණය සඳහා 50,000 ක පාක්ෂිකයන් පිරිසක් සහභාගිකරවා ගැනීම සජබයේ අපේක්ෂාව වුවද පන්දහසකවත් පිරිසක් නොසිටි බව වාර්ථා වේ. එමෙන්ම අඩු පිරිසක් සහභාගී වුවහොත් පොලිසිය සමඟ ගැටුමක් ඇති කරගෙන සඳහා වැඩි මාධ්‍ය අවධානයක් ලබා ගැනීමට පූර්ව සැලසුමක් තිබුණ බව වාර්ථා වී තිබු අතර ඒ එලෙස සිදු කරගැනීමට සජබය සමත්ව තිබිණි.
