ශ්‍රී ලංකාව න්‍යෂ්ටික බලශක්ති උත්පාදනය සඳහා පියවර ගන්නේ නම්, දැනට පරමාණුක බලශක්තිය යොදාගැනීම බල රහිත කිරීම වෙනුවෙන් 2014 අංක 40 දරන ශ්‍රී ලංකා පරමාණුක බලශක්ති පනත මඟින් පනවා තිබෙන නීති සංශෝධනය කිරීමට කිරීමට සිදු ඇත.
වෛද්‍ය, පාරිසරික, කෘෂිකාර්මික, කාර්මික සහ වෙනත් සාමකාමී අරමුණු සඳහා සහ ජාතික සංවර්ධනය සඳහා අවශ්‍ය වන පරිදි විද්‍යාත්මක හා තාක්‍ෂණික දියුණුව සඳහා විකිරණශීලී ද්‍රව්‍ය සහ අයනීකරණ විකිරණ භාවිතය කිරීමට ඉඩ සලසන ලෙස වෙනත් රටවල නීතිමය සහ නියාමන රාමු පිළිබඳව කමිටුව සොයා බලන බවත්, ඒ අනුව ශ්‍රී ලංකාවට ගැළපෙන නීති සහ රෙගුලාසි සැකසීම කමිටුවේ අරමුණ බවත් මහාචාර්ය රෝසා සඳහන් කරයි.
මාස කිහිපයකට පෙර වැඩ ආරම්භ කරන ලද මෙම කමිටුව (SLAEB),අභියාචනාධිකරණ විනිසුරු සෝභිත රාජකරුණා මහතාගේ ප්‍රධානත්වයෙන් රැස්වන අතර, ශ්‍රී ලංකා පරමාණුක බලශක්ති නියාමන සභාව (SLAERC), නීති කෙටුම්පත් දෙපාර්තමේන්තුව, නීතිපති දෙපාර්තමේන්තුව ඇතුළු ආයතන කිහිපයක් නියෝජනය කරන විශේෂඥයින් සහ නිලධාරීන් ඇතුළත් වේ.
මෙරට වැඩිවන බලශක්ති ඉල්ලුමට පිළියමක් ලෙස රුසියාවේ සහාය ඇතිව වෙරළාසන්න හෝ අක්වෙරළ න්‍යෂ්ටික බලාගාරයක් ඉදිකිරීම පිළිබඳ මේවන විට යෝජනාවක්ද සාකච්ඡාකරමින් තිබේ
