වාර්ගික සහ මූල්‍ය සුදුසුකම් සපුරා ඇති පුද්ගලයින්ට පමණක් සහභාගී වීමට අවසර දෙමින් රුපියල් 3000 ක ඇතුල්වීමේ ගාස්තුව ඇතුළු දැඩි ඇතුළත් වීමේ නිර්ණායක බලාත්මක කිරීමට උත්සව සංවිධායකයින් සැලසුම් කර තිබිණි.

'විවෘත ධවල සාදයක්' (Opening White Party)ලෙස ප්‍රවර්ධනය කරන ලද මෙම උත්සවය 'වෙනස් කොට සැලකීමේ ස්වභාවය' හේතුවෙන් සැලකිය යුතු ආන්දෝලනයක් ඇති කර තිබිණි. ඔවුන්ගේ සුදු සම, ධනය, විලාසය හෝ ඉරියව් මත පදනම්ව සුදුසු යැයි සැලකෙන පුද්ගලයන්ට පමණක් ඇතුළුවීම සීමා කෙරෙන මුහුණු පාලන (Face control) ප්‍රතිපත්තියක් ක්‍රියාත්මක කිරීමට සංවිධායකයින් අදහස් කර ඇත.

සාමාන්‍යයෙන් ඉහළ මට්ටමේ රාත්‍රී සමාජශාලාවල බහුලව භාවිතා වන 'මුහුණු පාලනය' යන්නෙන් අදහස් කරන්නේ පුද්ගලයන්ගේ පෙනුම සහ සමාජ තත්ත්වය පිළිබඳ තක්සේරු කිරීම් මත පදනම්ව ඇතුල්වීම නියාමනය කිරීමය.

ඉන්ස්ටග්‍රෑම් හි අවලංගු කිරීම නිවේදනය කරමින්, ඔවුන් මෙම සංකල්පය නිසා ඇති වූ රිදවන හැඟීම් ගැන කණගාටුව ප්‍රකාශ කළ අතර ඒ සම්බන්ධයෙන් සමාව අයැද සිටියහ.

-P.M