මෙසේ ඝාතනය කොට ඇත්තේ පැලකැටියාගොඩ ප්‍රදේශයේ පදිංචි 32 හැවිරිදි සිව්දරු පියෙකු වන මල්ලවආරච්චි කන්කානම්ගෙ තරිදු ධනංජය නමැති පුද්ගලයෙකි.
මරණයට පත් පුද්ගලයා පැලකැටියාගොඩ ප්‍රදේශයේ ප්‍රධාන මාර්ගයක් අසල රැඳී සිටියදී යතුරු පැදියකින් පැමිණි පුද්ගලයින් දෙදෙනෙකු හා බහින්බස්වීමක් සිදුවී ඇත.
ඉන්පසුව එම පුද්ගලයින් දෙදෙනාගෙන් එක් අයෙකු එකවරම මරණකරු වෙත පිහි ප්‍රහාරයක් එල්ල කොට ඇති අතර, එම පිහි ප්‍රහාරයෙන් තුවාල ලැබූ තරිදු අසල පිහිටි නිවසක් වෙත දිව ගොස් තිබේ.
ඉන් පසුව ඔහු එම නිවස මිදුලේ ඇද වැටීමත් සමගම මොවුන් දෙදෙනා පිහි පාරවල් කිහිපයක්ම මරණකරුගේ උදරය ප්‍රදේශයට සහ පපු ප්‍රදේශයට එල්ල කොට ඇත ඇති අතර ඉන්පසු එම පුද්ගලයින් දෙදෙනා ප්‍රදේශයෙන් පළා ගොස් ඇත.
මෙම පිහි ප්‍රහාරයෙන් බරපතළ තුවාල ලැබූ තරිදු ධනංජය බරපතළ තුවාල ඇතිව ප්‍රදේශවාසීන් විසින් ඔහුව මතුගම වෑත්තෑව රෝහලට ඇතුළත් කර තිබේ.
රෝහල් ගත කිරීමෙන් අනතුරුව එම පුද්ගලයා මියගොස් ඇතැයි වෑත්තෑව රෝහල සඳහන් කළේය.
එම පහරදීමට පැමිණි පුද්ගලයින් දෙදෙනා මේ වන විටත් වැලිපැන්න පොලීසිය මඟින් කවුරුන්ද යන්න පිළිබඳව හඳුනාගෙන ඇත.
මෙම පහරදීමට පැමිණි පුද්ගලයින් දෙදෙනා පැමිණි යතුරු පැදිය ද ප්‍රදේශයේ ප්‍රධාන මාර්ගය අසල දමා පළා ගොස් තිබූ අතර, උරණ වූ ප්‍රදේශවාසීන් එම යතුරු පැදියට ගිනි තබා විනාශ කොට ඇත.
-P.M
