එලෙස සිදු කිරීමෙන් ආනිසංස රැසක් ලැබෙන බවටයි ඔවුන් විශ්වාස කරන්නේ. ශිව රාත්‍රිය සමඟ බැඳුණු විශාල ජනප්‍රවාදය රැසක් හින්දු සාහිත්‍යයට ඇතුළත්.
එකිනෙකා අතර සාමය, සමගිය, සමානාත්මතාව වර්ධනය කර ගැනීමට යොමු කිරීම ද මෙහි අරමුණයි.
ශිව දෙවියන්ගේ බිරිය වන අම්බාල් දේවියට ප්‍රිය වූ රාත්‍රි නවය නව රාත්‍රි වන බවත් ශිව දෙවියන්ට ප්‍රිය වූ එක් රාත්‍රිය ශිව රාත්‍රිය වගත් හින්දු පත පොතෙහි එයි.
ලෝකයේ තෙවැනි තැනෙහිලා වැඩිම බැතිමතුන් පිරිසක් විසින් මෙලොව පැරණිතම ආගම ලෙස සැලකෙන හින්දු ආගම අදහති. බිලියනයකට අධික ජනතාවක් ඒ අතර වෙයි.
ක්‍රිස්තු පූර්ව 200 - 300 අතර පැවැති ඉන්දු නිම්න ශිෂ්ටාචාරය ඇසුරෙන් ද හින්දු ඇදහිලි විශ්වාස පිළිබද සාක්ෂි හමු වී තිබේ.
මහා ශිව රාත්‍රි දිනය ශිව ලිංගය නම් පූජනීය වස්තුවට පුද පිළිවෙත් කිරීම වටා ගෙතෙයි. ලිංග යනු සංකේතයයි.
ඒ අනුව ශිව ලිංගය යනු ශිව දෙවියන්ගේ සංකේතයයි. ශිව ලිංගය ලොව පහළ වූ දිනය මහා ශිව රාත්‍රි දිනය යනු තවත් මතයකි.
වායු පුරාණය, කර්ම පුරාණය, ශිව පුරාණය වැනි ග්‍රන්ථවල මේ පිළිබඳ වැඩිදුර තොරතුරු ඇතුළත්ය. එමෙන්ම, ලෝකයේ ප්‍රධාන ශිෂ්ටාචාර බොහොමයක් ගොඩනැඟී ඇත්තේ ගංගා, නිම්න ආශ්‍රිතවය.
ඉන්දීය සින්දු ගංගා නිම්නය ආශ්‍රිතව ගොඩනැඟුණු ඉන්දු නිම්න ශිෂ්ටාචාරය ඊට උදාහරණයකි. මොහෙන්දෙජාරෝ සහ හරප්පා නගර කේන්ද්‍ර කොට ගෙන වැඩුණු එම දියුණු ශිෂ්ටාචාරය තුළ ශිව දෙවියන් ඇදහීමට අදාළ වග තුග හමු වෙයි.
කෘෂිකර්මය ප්‍රධාන ජීවනෝපාය වූ ඉන්දු නිම්නයේ ආදි වැසියෝ සශ්‍රිකත්වය පතා ශිව දෙවියන්ට පූජා පැවැත්වූ වග වාර්තා වේ.
එසේම, ඒකායන දහමක් සේම එක් ශාස්තෘවරයකු දක්නට නොලැබීමත් මෙහි කැපී පෙනෙන්නක් වශයෙන් සැලකේ.
ඒ කෙසේ වෙතත්, හින්දු ආගමට අනුව මහ දෙවියන් ලෙස සැලකෙන්නේ ශිවය.
වාර්ෂිකව මහ දෙවියන් වෙනුවෙන් පැවැත්වෙන උත්සවයකි, මහා ශිව රාත්‍රිය. ඊට නියමිත එක් දිනයක් නොවුණ ද වාර්ෂිකව පෙබරවාරි හෝ මාර්තුවේදී මහා ශිව රාත්‍රි දිනය සමරනු ලබයි.
දිනක් පුරා එදින ලෝකවාසි හින්දු ජනතාව උපවාස කරමින් විවිධ වෘත සමාදන් වෙමින් මේ උළෙල සමරයි.
ශිව දෙවියන් වෙනුවෙන් කැප වී ආශිර්වාද ලබා ගනිමින් ශිව දෙවියන් සතුටු කරමින් එදින ගත කිරීමට හින්දුහු වග බලා ගනිති.
අනෙක් බොහෝ ආගම්, දර්ශනවලට වඩා මහා ශිව රාත්‍රිය ඇදහීමට අදාළ වත්පිළිවෙත් වෙනස්ය.
එනම් රාත්‍රියේදී බොහෝ විට එම වතාවත් සිදු කෙරෙන බැවිනි. ආගමික සාකච්ඡා, ආගමික නාට්‍ය රඟදැක්වීම්, භක්ති ගීත වැනි වැඩ සටහන් එහිලා පැවැත්වේ.
පසුදා උදෑසන පොංගල් නමැති විශේෂ බත් වර්ගයක් පිළියෙල කොට ශිව දෙවියන්ට පූජා කිරීම දක්නට පුළුවන.
අනතුරුව ශිව දෙවියන් ද පාර්වතී හෙවත් ශක්ති දෙවඟන ද වන්දනා කොට ඉන් අනතුරුව එළවළු මිශ්‍ර බතක් ආහාරයට ගැනීම මෙහි සිරිතකි.
බ්‍රහ්ම මැවූ ලෝකයේ ධර්මය සහ සියලු ශිල්ප ශාස්ත්‍රාදිය පහළ කිරීමත් බ්‍රහ්ම සතු කාර්යයක් ලෙස සැලකේ.
තවද බ්‍රහ්ම මැවූ ලෝකයේ ධර්මය හා සියලු ශිල්ප ශාස්ත්‍රාදිය වර්ධනය කිරීමත් විනාශ කළ යුතු දේ වනසා දැමීමත් විෂ්ණු දෙවිදු විසින් කෙරෙතැයි පිළිගැනේ.
මේ සියලු වතාවත් පුරමින් ලොවට යහපත ප්‍රාර්ථනා කරමින් අද මෙරට හින්දු බැතිමත්හුද එම වතාවත්වල නිරතව සිටිති.
-P.M
