ගෝලීය තේමාවට සමගාමීව, ජාතික තේමාව වන 'ඇයට ශක්තිය - දැයට ප්‍රගතිය' යන්නෙන් කාන්තාවන් සවිබල ගැන්වීම සමාජ හෝ ආර්ථික අවශ්‍යතාවයක් පමණක් නොවේ යන අදහස ශක්තිමත් කරයි. එය සදාචාරාත්මක අවශ්‍යතාවයකි. කාන්තාවන්ට දියුණු වීමට අවශ්‍ය ශක්තිය, සම්පත් සහ සහයෝගය සහතික කිරීම සඳහා අපගේ කැපවීම එයින් සනිටුහන් කරයි. එසේ කිරීමෙන්, කාන්තාවන් සඳහා වන ප්‍රගතිය අපගේ ජාතියේ ප්‍රගතියට සමාන බවත්, ඇත්ත වශයෙන්ම, යුක්තිය, සමානාත්මතාවය සහ මානව ගරුත්වය සඳහා අපගේ සාමූහික කැපවීම පිළිබඳ සාක්ෂියක් බවත් අපි හඳුනා ගනිමු.
මෙම ජාත්‍යන්තර කාන්තා දිනයේ දී, ශ්‍රී ලාංකිකයින් ලෙස කාන්තා අයිතිවාසිකම් හා අභිවෘද්ධිය වෙනුවෙන් අප ලබා ඇති ප්‍රගතිය සහ ඒ වෙනුවෙන් තවමත් ලඟා කර ගත යුතුව ඇති ඉලක්ක පිළිබඳව නැවත වතාවක් සලකා බැලිය යුතුව ඇත. විවිධ ක්ෂේත්‍රයන්ගේ බාධක බිඳ දැමූ සහ බාධක බිඳ ඉදිරියට ගිය කාන්තාවන්ගේ ජයග්‍රහණයන් ජාතියක් ලෙස එක්ව සැමරිය යුතුව ඇත. ඒ අතරම, කාන්තා ප්‍රගතියට බාධා කරන බාධක ඉවත් කිරීමට අපගේ කැපවීම යාවත්කාලීන කිරීමට කටයුතු කල යුතුව ඇත.
නිදහස් ශ්‍රී ලාංකික ජාතියක් ලෙස, අධ්‍යාපනය, සෞඛ්‍ය සේවා, ආර්ථික අවස්ථා සහ නායකත්ව භූමිකාවන් සඳහා කාන්තාවන්ට සමාන ප්‍රවේශයක් ඇති බව අප තවදුරටත් සහතික කළ යුතුව ඇත. ඔවුන්ගේ හඬට ඇහුම්කන් දෙන, ඔවුන්ගේ දායකත්වය අගය කරන, ඔවුන්ගේ අයිතිවාසිකම් සුරැකෙන පරිසරයක් අප එක්ව නිර්මාණය කරමු
