ඒ අනුව ගාල්ල උණවටුන, ආරුගම්බේ, පාසිකුඩා සහ බෙන්තොට යන වෙරළ තීරයන් ජාත්‍යන්තරව පිළිගත් නිල් කොඩි වෙරළ බවට පත් කරන බව සමුද්‍රීය පරිසර ආරක්ෂණ අධිකාරියේ (MEPA) ප්‍රකාශකයෙකු සඳහන් කරයි. ශ්‍රී ලංකාවේ නිල් කොඩි වෙරළ පිහිටුවීමට අදාළ කටයුතු සමුද්‍රීය පරිසර ආරක්ෂණ අධිකාරිය විසින් මේ වන විට අවසන් කරමින් සිටින බව ඔහු පැවසීය.
නිල් කොඩි වෙරළ ලෝකයේ පිරිසිදුම වෙරළ ලෙස සැලකේ. එය සංචාරකයින්ට සහ වෙරළට යන්නන්ට පිරිසිදු හා සෞඛ්‍ය සම්පන්න නාන ජලය, පහසුකම්, ආරක්ෂිත සහ සෞඛ්‍ය සම්පන්න පරිසරයක් සහ ප්‍රදේශයේ තිරසාර සංවර්ධනයක් ලබා දීමට උත්සාහ කරන පාරිසරික සංචාරක ආකෘතියකි. මුහුදු වෙරළ ආශ්‍රිතව ගත කිරීමට නැමැති සංචාරකයන් ඒ සඳහා ඇති තත්ව සහතිකයන් ගැන උනන්දු වීම සාමාන්‍ය තත්වයක් වන අතර මෙතෙක් ශ්‍රී ලංකාව තුළ එවැනි ජාත්‍යන්තරව පිළිගත් ක්‍රමවේදයක් ක්‍රිත්මක නොවුණි. එහෙත් ලොක්ය පුරා නිල් කොඩි සහතික ලත් වෙරළ තීරයන් ගනනාවක් නම් කර තිබෙන අතර ඒ සඳහා සංචාරකයන් වැඩි වශයෙන් ආකර්ශනය වේ.
කෙසේ නමුත් මෙරටට පැමිණෙන බොහො විදේශකයන් මෙරට මුහුදු තීරයේ ඇති සුවිශේෂත්වයන් නිසා මෙරටට පැමිණෙන බවත් නිරීක්ෂණය වේ. එම නිසා මෙම නිල් කොඩි සහතිකය ලබා ගැනීම මෙරට සංචාරක ව්‍යාපාරය නංවාලීම සම්බන්ධයෙන් වැදගත් කරුණකි.
සැබැඳි පුවත්-
සමුද්‍ර දූෂණයේ 5 වන විශාලම රට, BLUE FLAG ගැනීමේ උත්සාහයක
