පසුගිය පෙබරවාරී 22 වැනි දින ඔස්ට්‍රේලියාවේ යුනයිටඩ් පෙට්‍රෝලියම් සමාගම ශ්‍රී ලංකාවේ විදුලිබල හා බලශක්ති අමාත්‍යාංශය සමඟ දේශීය වෙළෙඳපොළට ඛනිජ තෙල් නිෂ්පාදන සැපයීම සඳහා වන ගිවිසුමක් අත්සන් කෙරිණි.
මෙම ගිවිසුමට ශ්‍රී ලංකා රජය වෙනුවෙන් විදුලිබල හා බලශක්ති අමාත්‍යාංශයේ ලේකම් ආචාර්ය සුලක්ෂණ ජයවර්ධන සහ සමාගමේ හිමිකරු ලෙස යුනයිටඩ් පෙට්‍රෝලියම් ඕස්ට්‍රේලියාව වෙනුවෙන් Eddie Hirsch විසින් අත්සන් කරන ලදී.
ඕස්ට්‍රේලියානු සමාගමට ශ්‍රී ලංකාව පුරා ඉන්ධන පිරවුම්හල් 150 ක් පවරා ඇති අතර නව ඉන්ධන පිරවුම්හල් 50 ක් ඉදිකිරීමේ අයිතිය ද ලබා දී ඇත.
ඒ අනුව යුනයිටඩ් පෙට්‍රෝලියම් මෙරට තුළ මෙහෙයුම් සිදු කිරීමට ශ්‍රී ලංකාවේ ‘United Petroleum Lanka Pvt’ නමින් සමාගමක් සංස්ථාගත කර ඇති අතර ලංකා ඛනිජ තෙල් නීතිගත සංස්ථාවේ (CEYPETCO) හිටපු අධ්‍යක්ෂ මණ්ඩල සාමාජික ආචාර්ය ප්‍රභාත් සමරසිංහ මහතා සමාගමේ අධ්‍යක්ෂ සහ ප්‍රධාන විධායක නිලධාරී ලෙස පත් කර ඇත.
මේ වන විට මෙරට සිපෙට්කෝ සමාගමට අමතරව ඉන්දියානු IOC සමාගම, sinopec චීන සමාගම සමග මෙරට ඛනිජ තෙල් වෙළඳාමට පිවිස ඇති අතර අමරිකානු shell සමාගමද නුදුරේම සිය මෙහෙයුම කටයුතු ආරම්භ කිරීමට නියමිතය.
fu
