ඩේලි මෝනිං වෙත අදහස් දක්වමින් එජාප මහලේකම් පාලිත රංගේබණ්ඩාර කියා සිටියේ 2015 දී සිරිසේන කළ ආකාරයටම වික්‍රමසිංහ ස්වාධීන අපේක්ෂකයෙකු ලෙස ජනාධිපතිවරණයට ඉදිරිපත් වන බවයි.
"සිරිසේන 2015 වන විට ශ්‍රී ලංකා නිදහස් පක්ෂයේ (ශ්‍රීලනිප) සාමාජිකයෙකු වූ නමුත් ඔහු එසේ කළේය. ශ්‍රීලනිපයෙන් ජනාධිපතිවරණයට ඔහු ඉදිරිපත් වුණේ නැහැ. ඔහු ඉදිරිපත් කළේ ස්වාධීන අපේක්ෂකයෙකු ලෙසයි. වික්‍රමසිංහත් එම සංකල්පය යටතේම ඉදිරිපත් වෙනවා. එය පොදු අපේක්ෂකයෙකු ලෙස සමාන වේවි."
වික්‍රමසිංහ මහතාට ස්වාධීන අපේක්‍ෂකයකු ලෙස තරග කිරීමට එජාප කෘත්‍යාධිකාරී මණ්ඩලයේ අනුමැතිය මේ වන විටත් ලබාදී ඇති බවද ඔහු වැඩිදුරටත් පැවසීය. "අපි පක්ෂය විදියට එතුමාගේ අපේක්‍ෂකත්වයට සහය දෙනවා. ඒ ගැන කෘත්‍යාධිකාරී මණ්ඩලය දැනටමත් තීරණය කරලා ඉවරයි. එ.ජා.ප.යේ ජාතික සමුළුවේදීත් ඒකට අනුමැතිය ලැබුණා. අනෙක් පක්‍ෂත් එතුමා වටා රොක් වෙනවා එතුමාගේ ජයග්‍රහණයට සහය දෙන්න."
ප්‍රමුඛ පෙළේ දේශපාලන පක්ෂ කිහිපයක්ම තමන් ඉදිරිපත් කළ හැකි අපේක්ෂකයන් පිළිබඳව මේ වන විට ඉඟි පළ කර තිබේ. සමගි ජන බලවේගය විපක්ෂ නායක සජිත් ප්‍රේමදාස, ජනතා විමුක්ති පෙරමුණ සහ ජාතික ජන බලවේගයේ නායක විපක්ෂ පාර්ලිමේන්තු මන්ත්‍රී අනුර කුමාර දිසානායක, ශ්‍රී ලංකා පොදුජන පෙරමුණේ අපේකෂකයා ලෙස ආණ්ඩු පක්ෂයේ පාර්ලිමේන්තු මන්ත්‍රී ධම්මික පෙරේරා සහ නාමල් රාජපක්ෂ ගැනද කතා බවක් තිබිණි.
