මේ වන විට පෙනහළුගත ක්ෂය රෝගීන් වාර්තා වීමේ වර්ධනයක් පෙන්නුම් කර ඇති බව සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවකට එක්වෙමින් වෛද්‍ය නිසායා කාදර් මහත්මිය මේ බව කියා සිටියා.
ක්ෂය රෝගී තත්ත්වය සඳහා නොමිලේ හඳුනාගැනීමේ පරීක්ෂණ සහ ප්‍රතිකාර කිරීමේ කටයුතු සිද්ධ කරනු ලබන බවයි ඒ මහතා ප්‍රකාශ කළේ.
විශේෂයෙන් සෑම දිස්ත්‍රික්කයේම ළය රෝග සායන පවතින බවද කාදර් අවධාරණය කර සිටියා.
ඊට අදාළ ප්‍රතිකාර සඳහා රෝහල්වලට අවශ්‍ය සියලු පහසුකම් සලසා ඇති බවයි මාධ්‍ය හමුවේදී ඇය පෙන්වා දුන්නේ.
2035 වසර වන විට ක්ෂය රෝගය තුරන් කිරීමට අවශ්‍ය කටයුතු සැලසුම් කරමින් පවතින බවත් ඒ සඳහා අවශ්‍ය කටයුතු සඳහා රෝගීන් වාර්තා වීම 90%කින් අවම කරගැනීමට පියවර ගත යුතු බවද ක්ෂය රෝග මර්දන සහ ළය රෝග පිළිබඳ ජාතික වැඩසටහනේ ප්‍රජා සෞඛ්‍ය විශේෂඥ වෛද්‍ය නිසායා කාදර් මහත්මිය වැඩිදුරටත් ප්‍රකාශ කළා.
එමෙන්ම මරණ සංඛ්‍යාව ඇති වීම 95%කින් අවම කළ යුතුද ඇය කියා සිටියා.
ක්ෂය රෝගියෙක් සඳහා දරන පිරිවැය අවම කිරීමටත් අපේක්ෂා කරන බවයි ඇය වැඩිදුරටත් ප්‍රකාශ කළේ.
