උපරිම ධාරිතාවයකින් ජලය මුදාහැරිය ද ඇතැම් පාරිභෝගිකයින්ට ප්‍රමාණාත්මකව ජලය නොලැබෙන්නේ ජල ඉල්ලුම ඉහළ යාම නිසා බව ඇය පෙන්වා දෙයි. මේ වනවිට දෛනික ජල ඉල්ලුම සියයට දහයත් පහළොවත් අතර ප්‍රමාණයකින් ඉහළ ගොස් ඇති බව ද නියෝජ්‍ය සාමාන්‍යාධිකාරීවරිය පැවැසුවාය.
ඇය පෙන්වා දෙන්නේ ජනවාරි මාසයට සාපේක්ෂව මෙම මාසය වනවිට ජලය සම්බන්ධයෙන් ලැබෙන මෙම පැමිණිලි සංඛ්‍යාව ඉහළ ගොස් තිබුණ ද කිසිදු ජල සම්පාදන ක්‍රමයක් මේ වන තෙක් අත්හිටුවා නොමැති බවය. පවතින තත්ත්වය හමුවේ ජල සැපයුමට බාධා පැමිණ ඇත්තේ උස් බිම් ආශ්‍රිතව ජිවත්වන ජනතාවට මෙන්ම ජල සම්පාදන යෝජනා ක්‍රමවල අග සිටින ජනතාවට බවත් එම ජනතාවට දහවල් කාලයේ ජලය ලබාගැනීමට යම් ගැටලුවක් ඇති වුව ද රාත්‍රී කාලයේ ජලය ලබාගැනීමේදී ගැටලුවක් නොමැති බවත් ඇය කියා සිටියාය.
මෙරට සියලුම ජල සම්පාදන ක්‍රම කිසිදු ගැටලුවක් නොමැතිව මේ දිනවල ක්‍රියාත්මක වන බවත් තවත් මාසයක් පමණ යන තුරු ද ප්‍රමාණවත් ජල ධාරිතාවයක් ජල සම්පාදන හා ජලාපවහන මණ්ඩලය සතුව ඇති බවත් අනෝජා කළුවාරච්චි වැඩිදුරටත් පවසා සිටියාය.
-P.M
