අමාත්‍යවරයා මෙසේ පැවසුවේ ජාතික මෝස්තර මධ්‍යස්ථානයේ පාඨමාලා හැදෑරූ ඩිප්ලෝමාධාරීන් හට ඩිප්ලෝමා සහතික ප්‍රදානය කිරීමේ අවස්ථාවට එක් වෙමිනි.
කර්මාන්ත හා සෞඛ්‍ය අමාත්‍ය වෛද්‍ය රමේෂ් පතිරණ මෙම අවස්ථාවේදී අදහස් දක්වමින් ශ්‍රී ලංකාවේ ඇඟළුම් සඳහා ඉතා ඉහළ ඉල්ලුමක් ලෝකය පුරාම පවතින බවත්, ඇඟලුම් වලට මෝස්තර නිර්මාණවලින් ලැබෙන දායකත්වය අති විශාල වන නිසා රටට විදේශ විනිමය ලබාදීමේ වැඩි අවස්ථාවක් මෙම මෝස්තර නිර්මාණ ක්ෂේත්‍රය සතුවන බව පැවසීය.
අවුරුදු 450ක් වැනි දීර්ඝ කාලයක් අර්ධ වශයෙන් හා පූර්ණ වශයෙන් යටත් විජිතයක් ලෙස පැවති ශ්‍රී ලංකාව එලෙස යටත් විජිත ලෙස පැවති කලාපයේ අනෙකුත් රටවල් වලට සාපේක්ෂව ඉහළ දියුණුවක් ලබා තිබෙන බවත් මෙයට හේතුව ලංකාවේ ශක්තිමත් මානව සම්පතක් තිබීම බවත් ඇමතිවරයා පැවසූහ.
වැඩිදුරටත් අදහස් දැක් වූ අමාත්‍ය වෛද්‍ය රමේෂ් පතිරණ
රටවල් 190ක් අතරින් 73 වන ස්ථානය ලබා ගැනීමට ශ්‍රී ලංකාවට හැකිව තිබෙනවා.නිදහසින් පසුව ලංකා රජය නිදහස් අධ්‍යාපන පනත සම්මත කර, නිදහස් අධ්‍යාපනය හඳුන්වා දී අධ්‍යාපනය දියුණු කිරීමට විශාල වශයෙන් කටයුතු කරා.
මේ වන විට ලංකාවේ නිදහස් අධ්‍යාපනය මෙන්ම නිදහස් සෞඛ්‍ය සේවයද ඉතා විශිෂ්ට තත්ත්වයක පවතිනවා.
මෙම ප්‍රධාන හේතූන් 2 ලංකාවේ මානව සම්පත වඩාත් ශක්තිමත් කිරීමට හේතු වුණා.
ලෝකයේ අනිකුත් රටවලට වඩා ඉක්මනින් පසුගිය කාලයේ ඇතිවූ ආර්ථික අර්බුද වලින් මිදීමටද ශ්‍රී ලංකාවට හැකි උනේ මෙම ශක්තිමත් මානව නිසා”
