RM Parks (Private) Limited යනු ට්‍රයිස්ටාර් සමූහයේ (Tristar) හවුල්කාරි ව්‍යපාරයක් වන අතර එය තෙල් හා ගෑස් කර්මාන්තයෙහි යෙදෙන පූර්ණ ඒකාබද්ධ බලශක්ති සැපයුම් ව්‍යාපාරයකි. එමෙන්ම RM Parks උතුරු ඇමරිකානු ඉන්ධන සිල්ලර වෙළඳපොලේ පළපුරුදු ෂෙල් ඉන්ධන බෙදාහරින්නෙකි.
RM Parks (Private) Limited විසින් ශ්‍රී ලංකාව පුරා දැනට පවතින සිල්ලර ඉන්ධන පිරවුම්හල් 150 ක ජාලයක් Shell වෙත නැවත සන්නාමය කරනු ලබන අතර, එය 2023 දී ශ්‍රී ලංකා ඛනිජ තෙල් හා බලශක්ති අමාත්‍යාංශය විසින් මූලික වසර 20 ක කාලයක් සඳහා ක්‍රියාත්මක කිරීමට කොන්ත්‍රාත්තුවක් ලබා දී ඇත.
ලොව පුරා ගුණාත්මක ඉන්ධන, ලිහිසි තෙල් බෙදාහැරීමේ ගෝලීය ප්‍රමුඛයා ලෙස Shell සතු අත්දැකීම් සමඟ ශ්‍රී ලාංකික පාරිභෝගිකයින්ට Shell හි ඉන්ධන සහ ලිහිසි තෙල් කළඹ වෙත ප්‍රවේශය ලබා දෙනු ඇත.
පළමු Shell සන්නාමය සහිත පිරවුම් ස්ථානය 2024 තුන්වන කාර්තුවේදී විවෘත කිරීමට අපේක්ෂා කෙරේ.
ට්‍රයිස්ටාර් හි සමූහ ප්‍රධාන විධායක නිලධාරී ඉයුජින් මේන් පැවසුවේ “මෙය 2024 සඳහා විශිෂ්ට ආරම්භයක් වන අතර ශ්‍රී ලංකාවේ ඉන්ධන කර්මාන්තයට ශක්තිමත් ප්‍රවේශයක් ලබා දීමට අපි බලාපොරොත්තු වෙමු. RM Parks වැනි වටිනා හවුල්කරුවෙකු සමඟින් සහ Shell සන්නාමයේ ශක්තිය උපයෝගී කරගනිමින්, ශ්‍රී ලංකාව තුළ අපගේ පිය සටහන් වර්ධනය කර ගැනීමට ඇති අවස්ථා අසීමිත වන අතර, රට තුළ තවදුරටත් තෙල් හා ගෑස් ආයෝජන සිදුකිරීම සඳහා ක්‍රියාකාරී භූමිකාවක් ඉටු කිරීමට අපි බලාපොරොත්තු වෙමු.
RM Parks Inc. හි සභාපති ජේසන් කැලිසන් පැවසුවේ “වසර 60 කට වැඩි කාලයකින් පසුව Shell සන්නාමය නැවත ශ්‍රී ලංකාවට හඳුන්වා දීමෙන් Shell සමඟ අපගේ දිගු හා වටිනා සබඳතාව දිගටම කරගෙන යාමට අපි සතුටු වෙනවා. ට්‍රයිස්ටාර් සමූහ ව්‍යාපාරය සහ ෂෙල් සන්නාමය සමඟ අපගේ ශක්තිමත් හවුල්කාරිත්වය සමඟින් ශ්‍රී ලංකාවේ අනාගත වර්ධන අවස්ථා අසීමිත බව අපට හැඟේ.
