කැරට් කිලෝව රු. 200යි

බෝංචි රු. 80යි

බණ්ඩක්කා රු. 40යි

රාබු රු. 30යි

යාපනයේ වගා කරන ලද එළවළු අස්වනු ලැබීමත් සමඟ පසුගිය සති කිහිපයේ දී ඉහළ මිල ගණන් පැවැති එළවළු මිල පහළ බැස ඇති බව දඹුල්ල විශේෂ ආර්ථික මධ්‍යස්ථානයේ ව්‍යාපාරිකයෝ පවසති.

බණ්ඩක්කා කිලෝවක මිල රුපියල් 40ක්, නෝකෝල් කිලෝවක් රුපියල් 60ක් පිපිඤ්ඤා කිලෝවක් රුපියල් 30ක් රාබු කිලෝවක් රුපියල් 30ක් වැනි තොග මිල ගණන්වලට ඊයේ දින අලෙවි වූ බව ව්‍යාපාරිකයෝ පවසති.

මේ හැරුණු කොට පසුගිය කාලයේ කිලෝව රුපියල් 2000 දක්වා ඉහළ ගිය කැරට් කිලෝවක් රුපියල් 200ක් ද ලීක්ස් කිලෝවක් රුපියල් 200ක් ද අමු මිරිස් කිලෝවක් රුපියල් 180ක් ද, බෝංචි කිලෝ රුපියල් 80ක් ද ගෝවා කිලෝවක් රුපියල් 100 කටද අලෙවි වූ බව වෙ‍ෙළන්දෝ පවසති.

මේ දිනවල උඩරට හා පහතරට මෙන්ම යාපනයේ එළවළු වෙ‍ෙළඳපළට ලැබීම හේතුවෙන් මිල ගණන් පහත ගොස් ඇති අතර ඉදිරියේ දී සිංහල දෙමළ මුස්ලිම් අවුරුදු සමයේ දී එළවළු මිලෙහි විශාල ලෙස වැඩිවීමක් අපේක්ෂා කළ නොහැකි බව දඹුල්ල ආර්ථික මධ්‍යස්ථානයේ ව්‍යාපාරිකයෝ සඳහන් කරති.

මාතලේ මධ්‍යම සමූහ