සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවකට එක්වෙමින් විශේෂඥ වෛද්‍යවරයා මේ බව පැවසුවේය.
එහි දී වෛද්‍යවරයා පැවසුවේ වාර්ෂිකව හදිසි අනතුරු හේතුවෙන් පුද්ගල මරණ 10 000කට වැඩි සංඛ්‍යාවක් සිදුවන බවත් සෑම පැය 3කට සැරයක්ම දළ වශයෙන් 4 දෙනෙකුගේ පමණ ජීවිත අහිමි වන බවත් එම අනතුරු රථ වාහන අනතුරු, දියේ ගිලීම්, විෂවීම් ඇතුළු හදිසි අනතුරු හේතුවෙන් එම මරණ සිදුවන බවයි.
ලංකාවේ රජයේ රෝහල්වල නේවාසිකව ප්‍රතිකාර ලබා ගන්නා අයගෙන් වැඩිම ප්‍රමාණයක් හදිසි අනතුරුවලට ලක්වූ පිරිසක් බව ඔහු සඳහන් කර අතර ලංකාවේ ජනගහනයෙන් සෑම 5 දෙනෙකුගෙන් හෝ 6 දෙනෙකුගෙන් එක් අයෙක් වෛද්‍ය ප්‍රතිකාර ලැබීමට සුදුසු ආකාරයේ අනතුරක් සෑම අවුරුද්දකම සිදු කර ගන්නා බවත් වෛද්‍යවරයා වැඩිදුරටත් පැවසුවේය.
