අධිවේගී මාර්ග කළමනාකරණ සහ එහි සියලු වත්කම් රජයට අයිති බැවින් රජය සතු සහස්‍ය ආයෝජනය වෙත පැවරීමට කැබිනට් මණ්ඩලය තීරණය කළ බව අමාත්‍යවරයා ප්‍රකාශ කර සිටියා.
මෙම ණය කන්දරාව ගෙවා දැමීමට හැකිවන පරිදි 100%ක් රජය සතු සහස්යා ඉන්වෙස්ට්මන්ට් සමාගම වෙත අධිවේගී මාර්ග පද්ධතිය සහ එහි වත්කම් පවරා දෙන බව අමාත්‍යවරයා සඳහන් කල අතර අධිවේගී මාර්ගවලින් දිගින් දිගටම රුපියල් බිලියන පහක් බැගින් ලාභ ලැබුවත් මෙම ණය ප්‍රමාණය ගෙවීම සඳහා වසර 160ක් ගත වන බව අමාත්‍යවරයා පැවසීය.
එමෙන්ම විෂය භාර අමාත්‍යවරයා ලෙස වසර එකහමාරකට පෙර මෙම අමාත්‍යංශයේ වැඩ භාරගත් අවස්ථාවේ සිට අධිවේගී මාර්ග පද්ධතිය කාර්යක්ෂම ඵලදායි බවට පත් කිරීමට යෝජනා රැසක් ඉදිරිපත් කර නමුත් මේ වනතෙක් ඒ කිසිදු යෝජනාවක් ක්‍රියාත්මක වී නොමැති බව අමාත්‍යවරයා සඳහන් කලේය.
බදු ගෙවන ජනතාව වෙත තවත් මෙම බර පැටවිය නොහැකිබවත් ඉපිද ඉපිද මැරෙන තුරුත් මෙම ණය ගෙවීමට සිදුවන බවත් අදහස් දක්වමින් බන්දුල ගුණවර්ධන ප්‍රකාශ කලේය.
මාර්ග සංවර්ධන අධිකාරිය සහ මහා භාණ්ඩාගාරය සමඟ අවබෝධතා ගිවිසුමකට අත්සන් තබන අවස්ථාවට එක්වෙමින් අමාත්‍යවරයා මෙලෙස ප්‍රකාශ කලහ.
