එය අනෙක් වසර හා සසඳන කල ළමා නිවාසගත වීමේ අඩුවීමක් බව එම දෙපාර්තමේන්තුව සඳහන් කරයි. විකල්ප රැකවරණ ප්‍රතිපත්තිය යටතේ කිසියම් අවස්ථාවක දී දරුවකු ළමා නිවාසගත කෙරෙන්නේ ඒ සඳහා ඇති අවසාන විකල්පය ලෙස බවත්, දරුවකු පවුලක් තුළ ඇති දැඩිවීම අත්‍යවශ්‍ය කාරණයක් බවත් පරිවාස හා ළමා රක්ෂක සේවා දෙපාර්තමේන්තු නිලධාරීන් පැවසුවේය.
එබැවින් පරිවාස නිලධාරීන් හැකි සෑම අවස්ථාවකදීම දරුවාගේ ස්වාභාවික පවුල තුළ හෝ වෙනත් සුදුසු භාරකරුවකු යටතේ පවුලක් තුළ දරුවාට ඇති දැඩිවීමට අවස්ථාව සැලසීම සඳහා කටයුතු කරන බව ද එම දෙපාර්තමේන්තුව වැඩිදුරටත් පෙන්වා දෙයි.
