ඔහු පවසන්නේ යුද කාලයෙන් පසු වත්මන් සහ අනාගත තර්ජන පිළිබඳ සැලකිල්ලට ගෙන මෙරටට ගැලපෙන පරිදි යුද්ධ හමුදාවක් සකස් කිරීම රජයේ අරමුණ බවයි.
ඒ අනුව කිසිම කෙනෙකු ඉවත් කරන්න බලාපොරොත්තු නොවන අතර ස්වභාවිකව හමුදාවේ අඩුවීම ගණනය කර 2030 වන විට ලක්ෂයක ප්‍රමාණයක යුද හමුදාවක් තබා ගැනීමට බලාපොරොත්තු වන බව ආරක්ෂක රාජ්‍ය අමාත්‍යවරයා පවසයි.
හමුදාවෙන් නීත්‍යානුකූලව ඉවත් නොවූ පුද්ගලයින් හට නීත්‍යානුකූලව ඉන් ඉවත්වීමට පොදු සමා කාලය මේ මස 20 වනදා දක්වා පවතින අතර දැනට 15,000ක් පමණ පොදු සමාව ලබා ගැනීමට ඉදිරිපත් වී තිබෙන බව ආරක්ෂක අමාත්‍යාංශයෙන් තමාට දුන් තොරතුරුවල සඳහන් වන බවත් ඔහු වැඩිදුරටත් සඳහන් කළහ
