තමාට අපහාස වන අයුරින් සංජීව සමරසිංහ හිටපු මාධ්‍ය සම්බන්ධීකරණ ලේකම්වරයා කටයුතු කළ බව සඳහන් කරමින් මෙම නඩුව ගොනු කළ බව එම පක්ෂය කියයි.
පසුගිය කාලයේදී සංජීව සමරසිංහ විසින් විද්‍යුත් හා මුද්‍රිත මාධ්‍ය මගින් ෆොන්සේකා මහතාට අපහාස වන අයුරින් කටයුතු කළ බවත් මේනිසා ඔහුට එන්තරවාසියක් යැවූ නමුත් ඊට පිළිතුරක් නොලැබුණු බැවින් මෙම පියවර ගත් බව එම පක්ෂය සඳහන් කරයි.
සරත් ෆොන්සේකා මහතාගේ සම්බන්ධීකරණ නිලධාරී වශයෙන් කටයුතු කළ සංජීව සමරසිංහ ෆොන්සේකා මහතා ඒකාධිපති වියරුවෙන් කටයුතු කරන බව කියමින් පසුගිය කාලයේදී සේවයෙන් ඉවත් විය.
කෙසේ වෙතත් සරත් ෆොන්සේකා මහතාගේ පාර්ශවයෙන් කියා සිටියේ සංජීව සමරසිංහට මූල්‍ය වංචා සම්බන්ධයෙන් එල්ල වූ චෝදනා මත සේවයෙන් ඉවත් වූ බවයි.
