ඒ අනුව සමගි ජන බලවේගයේ වත්මන් සභාපතිවරයා ජුනි මාසයේදී ඒ පිළිබඳ විධිමත් ප්‍රකාශයක් කරනු ඇති බව ෆොන්සේකා මහතාට සමීප ආරංචි මාර්ග සඳහන් කළේය.
ෆොන්සේකා කිසිදු දේශපාලන පක්ෂයක් සමඟ එකතු නොවී ස්වාධීන අපේක්ෂකයෙකු ලෙස තරඟ කිරීමට නියමිතයි.
සජබයේ මන්ත්‍රීවරුන් පිරිසකගේ සහය ලබා ගැනීමට ද ෆොන්සේකා සමත් වී ඇති අතර අනෙකුත් දේශපාලන පක්ෂවල මන්ත්‍රීවරුන් සහ දේශපාලනඥයන් සමඟ තිරය පිටුපස සාකච්ඡා පැවැත්වෙන බව ආරංචි මාර්ග ප්‍රකාශ කළේය.
ෆොන්සේකාගේ ප්‍රචාරක ව්‍යාපාරය දූෂණයෙන් තොර රටක් ප්‍රවර්ධනය කිරීම කෙරෙහි අවධානය යොමු කරන අතර ජාතික ආරක්ෂාවට ප්‍රමුඛත්වය ලබා දෙනු ඇතැයි ද ‘අරගලය’ උද්ඝෝෂණයේදී හිටපු හමුදාපතිවරයා ද පාරට බැස්ස අතර ඒ අවස්ථාවේ ඔහුට ලැබුණු සහයෝගය මත ගමන් කිරීමට බලාපොරොත්තු වන බවත් පැවැසේ.
හිටපු හමුදාපතිවරයා තම ජනාධිපති අපේක්ෂකත්වය ඉහළ නැංවීමට වෙනුවෙන් යුද්ධය පිළිබඳ පොතක් එළිදැක්වීමට ද බලාපොරොත්තු වන අතර මෙම ග්‍රන්ථයෙන් ගැටුමට අදාළ තොරතුරු සහ එවකට යුද හමුදාපතිවරයා ලෙස ඔහු ඉටුකළ කාර්ය භාරය පිළිබඳ තොරතුරු අනාවරණය කිරීමට නියමිතය.
මේ අතර හිටපු රාජ්‍ය තාන්ත්‍රික නිලධාරියකු ජනාධිපති රනිල් වික්‍රමසිංහ මහතාගේ නියෝජිතයකු ලෙස ෆොන්සේකා මහතා හමුවීමට උත්සාහ කර ඇති නමුත් ඔහු වික්‍රමසිංහ මහතා හමුවීම ප්‍රතික්ෂේප කර නැති නමුත් තමන් ජනාධිපති ධූරයට තරග කිරීමට ගත් තීරණය ඉල්ලා අස්කර නොගන්නා බව පෙන්වා දී ඇත.
මන්ත්‍රීවරයා පසුගියදා ජනාධිපතිවරයා සමඟ පාර්ලිමේන්තුවේදී සාකච්ඡා කර තිබු නමුත් සාකච්ඡා කළ කරුණු පිළිබඳ වැඩිදුර තොරතුරු හෙළි නොවුණි.
මේ වන විටත් ෆොන්සේකා මහතා රාජ්‍ය තාන්ත්‍රිකයන් රැසක් සමඟ නිල නොවන සාකච්ඡා පවත්වා තමාගේ ඉදිරි නිවේදනය පිළිබඳව ඔවුන් දැනුවත් කළ බවද ආරංචි මාර්ග සඳහන් කරයි.
මූලාශ්‍රයට අනුව, ඉන්දියාව, චීනය සහ එක්සත් ජනපදය සමඟ සමීපව කටයුතු කිරීමට ෆොන්සේකා සිය අභිප්‍රාය පෙන්වා දී ඇත.
